The news is by your side.

Advertisement

’شعیب کی تیز رفتار بولنگ کا سوچ کر آج بھی ڈر لگتا ہے‘

جنوبی افریقہ کے سابق بلے باز اے بی ڈی ویلیئرز کا کہنا ہے کہ شعیب اختر کی تیز رفتار بولنگ کا سوچ کر آج بھی ڈر لگتا ہے۔

کرکٹ آسٹریلیا نے سابق اسپیڈ اسٹار شعیب اختر کی سو میل فی گھنٹہ کی رفتار سے گیند کی ویڈیو شیئر کی جس پر شین واٹس اور اے بی ڈی ویلیئرز نے بھی اپنے خیالات کا اظہار کیا۔

شین واٹس نے لکھا کہ ’21 سال کا تھا جب اس اسپیل کا سامنا کیا یہ تیز رفتار بولنگ میں کبھی نہیں بھول پاؤں گا۔‘

اے بی ڈی ویلیئرز نے لکھا کہ مجھے ابھی بھی شعیب اختر کی تیز رفتار بولنگ کا سوچ کر ڈر لگتا ہے، کیریئر کے شروعات میں شعیب نے میری ٹانگ زخمی کردی تھی۔

اُنہوں مزاحیہ انداز میں کہا کہ شعیب اختر کو چھکا مار کر احساس ہوا تھا کہ میں نے بہت بڑی غلطی کردی۔

شعیب اختر نے بھی اے بی ڈی ویلیئرز کو بولڈ کرنے کی ویڈیو شیئر کرتے ہوئے لکھا کہ ’ہر شاٹ بال پر چھکا نہیں لگ جاتا۔‘

Comments

یہ بھی پڑھیں