سابق اسپیڈ اسٹار شعیب اختر نے پاکستان کرکٹ ٹیم کے چیف سلیکٹر بننے کی خبروں پر وضاحت پیش کردی ہے۔
سوشل میڈیا پر گزشتہ کئی روز سے یہ خبریں گردش کررہی ہیں کہ شعیب اختر سے پاکستان کرکٹ بورڈ نے رابطہ کیا ہے اور امکان ہے کہ انہیں چیف سلیکٹر بنایا جائے گا تاکہ وہ پاکستان کرکٹ کو بہتر کرسکیں۔
A new role in the PCB? Shoaib Akhtar clarifies the reports. 🗣️ pic.twitter.com/OfIW6k8Foc
— PTV Sports (@PTVSp0rts) October 2, 2026
تاہم شعیب نے ان خبروں پر اب وضاحت پیش کی ہے۔
سرکاری ٹی وی سے گفتگو کرتے ہوئے شعیب اختر نے کہا کہ میں ان دنوں ہیوسٹن میں ہوں، ان خبروں میں کوئی سچائی نہیں ہے اور نہ ہی میری کوئی میٹنگ ہوئی ہے، میں بالکل بھی انٹرسٹڈ نہیں ہوں، میں ایسی خبریں سن رہا ہوں کہ بڑا عہدہ لے رہا ہوں اور پیسے مانگ لیے ہیں یہ سب فیک ہے۔
انہوں نے کہا کہ میں پاکستان کرکٹ کی بہتری چاہتا ہوں لیکن بورڈ میں کوئی بھی عہدہ لینے کا کوئی ارادہ نہیں ہے۔
