The news is by your side.

Advertisement

سابق کرکٹر شعیب اختر کا گھٹنے کا آپریشن کامیاب

سڈنی: راولپنڈی ایکسپریس کے نام سے مشہور سابق کرکٹر شعیب اختر کا آسٹریلیا کے شہرمیلبرن میں گھٹنے کا کامیاب آپریشن ہوگیا۔

تفصیلات کے مطابق سابق اسپیڈ اسٹار شعیب اختر نے سماجی رابطے کی ویب سائٹ ٹویٹر پر ویڈیو شیئر کی اور کہا کہ میلبرن میں گھٹںے کا کامیاب آپریشن ہوگیا ہے۔

آپریشن کے بعد کمرے میں منتقل ہونے کے بعد شعیب اختر کا کہنا تھا کہ آپریشن کامیاب ہوا ہے، تھوڑی تکلیف محسوس کررہا ہوں، جلد صحت یاب ہوجاؤں گا۔

شعیب اختر کا کہنا ہے کہ اس بار انہیں مکمل طور پر چلنے میں دو سے تین ہفتے لگیں گے، انہوں نے اپنے چاہنے والوں سے دعاؤں کی درخواست بھی کی ہے۔

اس سے قبل شعیب اختر کے بائیں پیر کے گھٹنے کا آپریشن ہوچکا ہے جس کے بعد آج ان کے دائیں گھٹنے کا آپریشن کیا گیا ہے۔

سماجی رابطے کی ویب سائٹ ٹویٹر پر کرکٹر فواد عالم نے کہا کہ ’شعیب بھائی اللہ آپ کو شفا دے۔‘

سابق کپتان مصباح الحق نے کہا کہ آپ کی جلد صحت یابی کے لیے دعا گو ہوں، میری دعائیں ہمیشہ آپ کے ساتھ ہیں۔

Comments

comments

یہ بھی پڑھیں