کراچی: قومی کرکٹ ٹیم کے سابق فاسٹ بولر شعیب اختر نے 2002 میں آج ہی کے دن کیریئر کی شاندار بولنگ کروائی تھی۔
پاکستان کرکٹ بورڈ (پی سی بی) نے شعیب اختر کے کراچی کے نیشنل اسٹیڈیم میں نیوزی لینڈ کے خلاف کروائے گئے شاندار بولنگ اسپیل کی یاد تازہ کردی۔
پی سی بی کی جانب سے جاری ٹویٹ میں بتایا گیا کہ آج کے دن 2002 میں نیوزی لینڈ کے خلاف کراچی کے نیشنل اسٹیڈیم میں کھیلے جانے والے میچ میں شعیب اختر نے کیریئر کی شاندار بولنگ کی تھی۔
شعیب اختر نے اپنے اس شاندار بولنگ اسپیل میں 16 رنز کے عوض 6 وکٹیں حاصل کیں اور نیوزی لینڈ کو شکست دینے میں اہم کردار ادا کیا۔
#OnThisDay in 2002, @shoaib100mph bowled a fast and furious spell in front of a heaving NSK that blew away 🇳🇿. This was Shoaib's career-best performance (6-16) which guided 🇵🇰 to a crushing 153-run victory in the first ODI of the three-match series.pic.twitter.com/FyEiVjxL9h
— Pakistan Cricket (@TheRealPCB) April 21, 2021
واضح رہے کہ شعیب اختر کے اس طوفانی اسپیل کی بدولت پاکستان نے تین میچوں کی ون ڈے سیریز کے پہلے میچ میں کیوی ٹیم کو 153 رنز کے بھاری مارجن سے شکست دی تھی۔
