راولپنڈی: سابق اسپیڈ اسٹار شعیب اختر کا نے وسیم اکرم اور وقار یونس کو خراج تحسین پیش کرتے ہوئے ان کی 80 کی دہائی کی تصاویر شیئر کردیں۔
تفصیلات کے مطابق سابق راولپنڈی ایکسپریس شعیب اختر نے سماجی رابطے کی ویب سائٹ ٹویٹر پر وسیم اکرم اور وقار یونس کی تصویر شیئر کی اور دونوں کو مخالف ٹیم کی بیٹنگ لائن تباہ کرنے والا بولر قرار دے دیا۔
شعیب اختر نے لکھا کہ ’80 کی دہائی کے دو بچے، کون جانتا تھا کہ وہ بیٹنگ لائن اپ کو تباہ کرنے والے بنیں گے اور کرکٹ کی تاریخ کی سب سے مہلک بولنگ جوڑی بن کر سامنے آئیں گے، جو ایک جوڑی کی شکل میں شکار کرتے تھے۔
Two new kids on the block in the 80's. Who knew they'd become destroyers of batting line ups & will become the most lethal bowling duo in the history of cricket who hunted in a pair.
What are your other favorite bowling duos?@wasimakramlive@waqyounis99#cricket #pakistan pic.twitter.com/aoxlsjiMuQ
— Shoaib Akhtar (@shoaib100mph) June 25, 2020
شعیب اختر نے ٹویٹر صارفین سے بھی سوال کیا کہ آپ کی بہترین بولنگ جوڑی کونسی ہے؟ شعیب نے اپنی پوسٹ میں وسیم اکرم اور وقار یونس کو مینشن بھی کیا۔
ایک بھارتی صارف نے مسکراتے ہوئے کہا کہ آپ بھی ان دونوں سے کم نہیں ہیں، آپ اپنے خطرناک بولنگ اٹیک سے بلے بازوں کو خوفزدہ کرنے کے معاملے میں بھی اہمیت کے حامل ہیں۔
مانی نامی صارف نے لکھا کہ وسیم اور وقار دونوں لیجنڈز ہیں اس کے بعد میری فیوریٹ بولنگ جوڑی ویسٹ انڈیز کے ایمبروز اور واش ہیں۔
ایک اور صارف عمر خالد بٹ نے لکھا کہ میری فیورٹ جوری عمر گل اور شعیب اختر ہیں۔