ہفتہ, فروری 8, 2025
اشتہار

شعیب اختر نے دنیا کے تین بہترین کرکٹرز کے نام بتادئیے

اشتہار

حیرت انگیز

سابق پاکستانی کرکٹر شعیب اختر نے دنیا کے تین بہترین کرکٹرز کی فہرست تیار کرلی جس میں بھارتی کرکٹر سچن ٹنڈولکر بھی شامل ہیں۔

راولپنڈی ایکسپریس کے نام سے مشہور ہونے والے پاکستان کے سابق فاسٹ بولر شعیب اختر کی جانب سے دنیا کے تین عظیم کرکٹرز کی فہرست تیار کی گئی ہے۔

اس فہرست میں بھارتی بلے باز سچن ٹنڈولکر، سابق پاکستانی کپتان وسیم اکرم اور آنجہانی آسٹریلین کرکٹر اسپن ماسٹر شین وارن شامل ہیں، جو رواں ماہ 52 برس کی عمر میں انتقال کرگئے۔

شعیب اختر نے شین وارن کو عظیم گیندباز قرار دیا اور کہا تھا کہ وہ بڑے دل والے انسان اور بہترین دوست تھے جو ہمیشہ دوسروں کی مدد کیلئے تیار رہتے۔

Sachin Tendulkar and Shane Warne will have to confront some challenges

ان خیالات کا اظہار سابق پاکستانی کرکٹر شعیب اختر نے ایک یوٹیوب شو کے دوران کیا، انہوں نے کہا کہ مجھے شین کی موت کا سن پر بہت افسوس ہوا، وہ بہت جلدی ہم سب سے رخصت ہوگیا۔

شین وارن کو لیگ اسپن متعارف کرانے کا اعزاز حاصل ہے جنہوں نے 145 ٹیسٹ میچز میں 708 کھلاڑیوں کو پویلین کی راہ دکھائی۔

خیال رہے کہ 4 مارچ کو سابق آسٹریلوی کرکٹر شین وارن کا 52 برس کی عمر میں تھائی لینڈ میں حرکت قلب بند ہونے کے باعث انتقال ہوگیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں