قومی ٹیم کے سابق فاسٹ بولر شعیب اختر نے مکہ کلاک ٹاور سے طواف کعبہ کی خوبصورت ویڈیو سوشل میڈیا پر شیئر کردی۔
سابق فاسٹ بولر شعیب اختر سعودی عرب کی جانب سے دی گئی اعزازی دعوت پر بطور ’اسٹیٹ گیسٹ‘ حج کی ادائیگی کے لیے سعودی عرب میں موجود ہیں۔
شعیب اختر کی جانب سے ایک ویڈیو شیئر کی گئی ہے جس میں وہ مکہ کلاک ٹاور کے سب سے اونچے مقام پر کھڑے ہیں اور وہاں سے خانہ کعبہ کے روح پرور مناظر دکھا رہے ہیں۔
Holy Khaana Kaaba view from the top of Makkah Clock Tower. Subhan Allah. pic.twitter.com/UQxoVVITVY
— Shoaib Akhtar (@shoaib100mph) July 3, 2022
ویڈیو پر شعیب اختر نے سبحان اللہ کا کیپشن بھی درج کیا جب کہ ویڈیو کو چند گھنٹوں میں ایک لاکھ سے زائد صارفین دیکھ چکے ہیں۔
سوشل میڈیا صارفین کی جانب سے بھی روح پرور مناظر کی ویڈیو کو پسند کیا جارہا ہے۔
واضح رہے کہ حال ہی میں شعیب اختر نے احرام پہنے تصاویر شیئر کرتے ہوئے مداحوں کو فریضہ حج کی ادائیگی کی اطلاع دی تھی جس میں بتایا تھا کہ ’الحمد اللہ میں سعودی عرب کے سرکاری مہمان کی حیثیت سے فریضہ حج کی ادائیگی کے لیے روانہ ہو رہا ہوں۔
