The news is by your side.

Advertisement

’شعیب ملک کو کپتان ہونا چاہیے‘

لاہور: قومی کرکٹ ٹیم کے سابق اوپنر عمران نذیر نے کہا ہے کہ ٹی ٹوئنٹی ورلڈ کپ سر پر ہے، تجربے کا کوئی نعم البدل نہیں، شعیب ملک کو کپتان ہونا چاہیے، وہ اس وقت ٹیم کی ضرورت ہیں۔

صحافیوں سے گفتگو میں سابق کرکٹر اور جارح مزاج بلے باز کا کہنا تھا کہ شعیب ملک دباؤ کا سامنا کرنا جانتے ہیں، انھیں پاکستان ٹیم کا کپتان ہونا چاہیے، پاکستان ٹیم کو مضبوط بنانے کی ضرورت ہے، ٹی ٹوئنٹی ورلڈ کپ سر پر ہے لیک کسی کو نہیں پتا کہ اوپنر اور مڈل آرڈر میں کس نے آنا ہے۔

انھوں نے کہا ہر کھلاڑی کو اس کے نمبر کا علم ہونا چاہیے، شرجیل خان اور فخر زمان کو اوپنر ہونا چاہیے، بابر اعظم کو ون ڈاؤن آنا چاہیے، ون ڈے میں محمد رضوان کو مڈل آرڈر میں آنا چاہیے کیوں کہ وہ سنگلز لینا جانتے ہیں۔

سابق کرکٹر نے مزید کہا ٹی ٹوئنٹی ورلڈ کپ سے قبل کھلاڑیوں کو موقع دیں اگر ایک دم ورلڈ کپ میں انھیں کھلایا گیا تو ان پر دباؤ ہوگا۔

پی ایس ایل، پوائنٹس ٹیبل پر کون سی ٹیم سرفہرست؟

شعیب ملک کے بارے میں ان کا کہنا تھا وہ جانتے ہیں کہ سنگلز کیسے لیے جاتے ہیں، ابوظبی میں جس طرح کی اننگز رات میں کھیلی وہ سب کے سامنے ہے۔

پی ایس ایل کے حوالے سے انھوں نے کہا پاکستان سپر لیگ کا شروع ہونا خوش آئند ہے، کرکٹ شائقین کو اس سے خوشی ملتی ہے، میں نے ہمیشہ لاہور قلندرز کو سپورٹ کیا ہے، یہ اس وقت بھی فیورٹ تھی جب کوئی پسند نہیں کرتا تھا۔

Comments

یہ بھی پڑھیں