پاکستان کے سابق کپتان شعیب ملک نے پی ایس ایل سے ریٹائرمنٹ کا اعلان کردیا۔
سماجی رابطے کی ویب سائٹ ایکس پر سابق کپتان شعیب ملک نے اپنے پیغام میں لکھا کہ بطور کھلاڑی 10 سال پی ایس ایل کا ہر لمحہ انجوائے کیا ہے، آج پی ایس ایل کو خیرباد کہنے کا وقت آگیا ہے۔
انہوں نے لکھا کہ کرکٹ کی بہتری کے لیے جذبہ اور کام کرنے کی لگن برقرار رہے گی۔
واضح رہے کہ شعیب ملک نے 2015 میں ٹیسٹ کرکٹ اور 2019 میں ون ڈے کرکٹ سے ریٹائرمنٹ کا اعلان کیا تھا جب کہ ٹی ٹوئنٹی انٹرنیشنل سے انہوں نے باقاعدہ تو ریٹائرمنٹ کا اعلان نہیں کیا تاہم 44 سالہ آل راؤنڈر نے 2021 کے بعد سے قومی ٹیم کی نمائندگی نہیں کی تاہم وہ پی ایس ایل اور دیگر ٹی ٹوئنٹی لیگز کھیلتے رہے ہیں۔
انہوں نے پی ایس ایل کے اب تک کے تمام 10 سیزن کھیلے ہیں جبکہ پی ایس ایل میں 4 ٹیموں کراچی کنگز، ملتان سلطانز، پشاور زلمی اورکوئٹہ گلیڈی ایٹرز کی نمائندگی کی اور 2025 میں اپنا آخری سیزن انہوں نے کوئٹہ گلیڈی ایٹرز کی جانب سے کھیلا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں