قومی کرکٹر شعیب ملک نے بیٹے اذہان مرزا کی عمرے کی ادائیگی کے بعد محبت بھرا پیغام شیئر کردیا۔
فوٹو اور ویڈیو شیئرنگ ایپ انسٹاگرام پر قومی کرکٹر شعیب ملک نے بیٹے اذہان مرزا ملک کی تصویر شیئر کی جس میں اذہان کو شلوار قمیص اور ٹوپی پہنے خوشگوار موڈ میں دیکھا جاسکتا ہے۔
شعیب ملک نے تصویر شیئر کرتے ہوئے لکھا کہ ’اذہان بابا کا پہلا عمرہ، مجھے تم سے پیار ہے بیٹا۔‘
View this post on Instagram
واضح رہے کہ گزشتہ دنوں ثانیہ مرزا نے تصاویر شیئر کی تھیں جس میں انہیں عبایا پہنے بیٹے اذہان مرزا کے ساتھ مدینہ منورہ میں دیکھا جاسکتا ہے۔
ثانیہ مرزا نے تصاویر شیئر کرتے ہوئے الحمدللہ لکھا۔
انہوں نے مدینے کی چند مزید تصاویر شیئر کرتے ہوئے لکھا کہ ’الحمدللہ، اللہ ہماری دعائیں قبول فرمائے۔‘
ثانیہ مرزا کی جانب سے شیئر کی گئی دیگر تصاویر میں مسجد نبوی صلی اللہ علیہ وسلم کے خوبصورت مناظر بھی دیکھے جاسکتے ہیں۔
انہوں نے اس سے قبل دو تصاویر شیئر کی تھیں ایک میں کبوتر زمین سے دانا چُگ رہے ہیں جبکہ اسے کوہ احد کے نام سے ٹیگ کیا گیا۔