قومی کرکٹر شعیب ملک نے سابق صدر اور آرمی چیف پرویز مشرف کی صحت یابی کے لیے دعا کی اور سوشل میڈیا پر پیغام جاری کیا ہے۔
گزشتہ روز پرویز مشرف کی طبیعت سے متعلق کچھ خبریں سامنے آئی تھیں جن میں کہا گیا تھا کہ وہ وینٹی لیٹر پر ہیں اور ان کی حالت تشویشناک ہے۔
دوسری جانب پرویز مشرف کے ٹویٹر اکاونٹ سے وضاحت شیئر کی گئی تھی جس میں بتایا گیا تھا کہ سابق صدر دبئی میں اپنی رہائش گاہ پر زیر علاج ہیں وہ امائلائیڈوسس نامی بیماری کیلئے زیر علاج ہیں انتہائی نازک طبیعت سے متعلق اطلاعات درست نہیں ہیں۔
شعیب ملک نے ٹوئٹر پر جاری کیے گئے پیغام میں پرویز مشرف سے مخاطب ہوتے ہوئے لکھا کہ میرے دل میں آپ کے لیے بے پناہ عزت ہے، آپ ایک حقیقی رہنما اور مجھ سمیت بہت سے لوگوں کے لیے متاثر کن شخصیت ہیں۔
– General Pervez Musharraf sahab, I have nothing but immense respect for you. You are a true leader & an inspiration to many, including me. A brave soldier & son of the soil. In this time of difficulty, may Almighty Allah ease your pain & that of your family @P_Musharraf pic.twitter.com/NFFsKFoZIa
— Shoaib Malik 🇵🇰 (@realshoaibmalik) June 10, 2022
شعیب ملک نے کہا کہ آپ ایک بہادر سپاہی اور اس ملک کی مٹی کے بیٹے ہیں۔
قومی کرکٹر نے سابق صدر کی صحتیابی کے لیے دُعا کرتے ہوئے مزید کہا کہ مشکل کی اس گھڑی میں اللّہ تعالیٰ آپ کے اور آپ کے اہلخانہ کے دُکھوں میں آسانی فرمائے۔