The news is by your side.

Advertisement

پی ٹی آئی کے پاس وہ شہزادہ ہے جو کسی کے پاس نہیں، شعیب اختر

راولپنڈی: سابق ٹیسٹ کرکٹر شعیب اختر نے کہا ہے کہ پاکستانی قوم اور تحریک انصاف کو مبارک ہو، پی ٹی آئی کے پاس وہ شہزادہ ہے جو کسی کے پاس نہیں ہے۔

ان خیالات کا اظہار انہوں نے عمران خان سے ملاقات کے بعد میڈیا سے گفتگو کرتے ہوئے کیا، شعیب اختر نے کہا کہ عمران خان عوام کی توقعات پر پورا اترنے کی پوری کوشش کریں گے۔

سابق ٹیسٹ کرکٹر شعیب اختر نے کہا کہ عمران خان کی کامیابی کے پیچھے ان کی انتھک محنت ہے، عمران خان کا حوصلہ نہ ہارنے کا جذبہ ہی ان کی کامیابی کا راز ہے۔

انہوں نے کہا کہ قوم سے درخواست کرتا ہوں کہ عمران خان کا ساتھ دیں، قوم مل کر اس ملک کو ایشین ٹائیگر بنانے میں کردار ادا کرے، عمران خان پاکستان کو ایشین ٹائیگر بنا کر چھوڑیں گے۔

واضح رہے کہ شاہد آفریدی کا کہنا تھا کہ عمران خان سے عوام کوبہت توقعات ہیں،توقع ہے کہ عمران خان فرنٹ سے لیڈ کریں گے، تمام مخالف پارٹیوں اور میڈیا سے درخواست کرتا ہوں کہ نتائج تسلیم کریں اور پاکستان کی تعمیر نو میں مدد کریں۔

خیال رہے کہ وقار یونس نے عمران خان کے حالیہ خطاب کو ‘عظیم رہنما کی خاص تقریرقرار دیا تھا جبکہ سابق کرکٹر اور کمنٹیٹر رمیض راجہ نے کہا تھا کہ عمران خان خاص ہیں اور ہمیں انکے وزیراعظم بننے پر فخر ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں