حلقہ این اے 131 میں گنتی کا عمل 10 اگست تک روک دیا گیا ہے: ترجمان عمران خان -
The news is by your side.

Advertisement

حلقہ این اے 131 میں گنتی کا عمل 10 اگست تک روک دیا گیا ہے: ترجمان عمران خان

اسلام آباد: پاکستان تحریک انصاف کے چیئرمین عمران خان کے نمائندے شعیب صدیقی کا کہنا ہے کہ سپریم کورٹ نے ہائیکورٹ کا دوبارہ گنتی کا فیصلہ تا حکم ثانی روک دیا ہے۔

تفصیلات کے مطابق پاکستان تحریک انصاف کے چیئرمین عمران خان کے نمائندے شعیب صدیقی نے میڈیا سے گفتگو کرتے ہوئے کہا کہ حلقہ این اے 131 میں گنتی کا عمل 10 اگست تک روک دیا گیا ہے۔

شعیب صدیقی نے کہا کہ سپریم کورٹ کا حکم ملنے پر بیگز الیکشن کمیشن بھجوا دیے جائیں گے۔ بیلٹ پیپرز پر مہر و دستخط سے متعلق آر او کے پاس فیصلہ محفوظ ہے۔

انہوں نے کہا کہ سپریم کورٹ نے ہائیکورٹ کا دوبارہ گنتی کا فیصلہ تا حکم ثانی روک دیا ہے۔ خواجہ سعد رفیق الیکشن ٹربیونل جائیں تاکہ ہر چیز کھل کر سامنے آجائے۔

شعیب صدیقی کا مزید کہنا تھا کہ الیکشن ٹریبونل انتخابی عذر داریوں کے لیے ہی بنائے گئے ہیں۔ الیکشن ٹریبونل جتنے حلقے کھولنے کا حکم دے گی، اس کے لیے تیار ہیں۔ ’خواجہ سعد رفیق نے 5 سال حکم امتناعی حاصل کیے رکھا‘۔

خیال رہے کہ آج صبح سپریم کورٹ نے پاکستان تحریک انصاف کے چیئرمین عمران خان کے حلقہ این اے 131 لاہور میں ووٹوں کی دوبارہ گنتی کا حکم معطل کردیا تھا۔

ووٹوں کی دوبارہ گنتی کا حکم اس سے قبل لاہور ہائیکورٹ نے شکست خوردہ امیدوار خواجہ سعد رفیق کی درخواست پر دیا تھا۔

Comments

comments

یہ بھی پڑھیں