عمومی طور پر فضائی سفر کو ایک محفوظ اور آرام دہ تصور کیا جاتا ہے تاہم تھوڑی سے بھی بے احتیاطی اور لاپرواہی کسی بڑے حادثے کا سبب بن جاتی ہے۔
اچھے سفر کی تمنا ہر مسافر کی ہوتی ہے اور وہ اس سفر سے محظوظ ہونے کے لیے تیاری کرتا ہے لیکن اپنی اچھی قسمت کے لیے کوئی غیرمعمولی حرکت وبال بھی بن سکتی ہے۔
ایسے ہی ایک مسافر نے سفر کو گڈ لک کہنے کے لیے عیجب و غریب حرکت کی، طیارے میں سوار ہونے سے قبل انجن کی طرف سکے اچھال دیے تاکہ سفر اچھا گزر سکے۔
یہ واقعہ چین کے صوبے شانڈونگ میں پیش آیا جہاں اڑان بھرنے سے قبل ایک مسافر نے طیارے کے انجن کی طرف سکے پھینکے۔
اڑان کے لیے کلیئرنس ملنے سے قبل اسٹاف نے جب آخری بار جانچ کی تو طیارے کے انجن کی طرف سے کئی لوہے کے سکے ملے جس پر عملے کی دوڑیں لگ گئیں اور طیارے کی پوری طرح سے دوبارہ انسپیکشن شروع کر دی گئی۔
ایئرلائن نے مسافروں کے تحفظ کو یقینی بنانے کے لیے پرواز منسوخ کر دی اور سکے پھینکنے والے مسافر سے پوچھ گچھ کی تو اس نے بتایا کہ اس نے سفر کو گڈلک کہنے کی خاطر سکے پھینکے تھے۔