The news is by your side.

Advertisement

ایسی سڑک جو پیدل چلتے افراد کو نگل گئی

بیجنگ: چین میں انوکھا واقعہ اس وقت پیش آیا کہ جب راہ چلتے کئی افراد اچانک سڑک میں دھنس گئے۔

تفصیلات کے مطابق چین کے جنوبی شہر میں نیکی گلے پڑگئی، سڑک پر گڑھے میں گرے شخص کی طرف مدد کے لیے لپکنے والے کئی افراد کو بھی سڑک نے نگل لیا۔

غیر ملکی خبررساں ادارے کے مطابق زیرزمین یہ لائنیں فراہمی آب کے لیے تعمیر کی گئی ہیں جس کا اوپری حصہ پانی کی مسلسل روانی اور لیکیج کے باعث کمزور پڑ گیا، جس کے باعث پہلے ایک شہری زمین میں دھنسا بعد ازاں مدد کے لیے کئی افراد پہنچے تو سڑک پر گہرا شگاف پڑ گیا اور متعدد افراد جاگرے۔

خوش قسمتی سے اس واقعے میں کوئی جانی نقصان نہیں ہوا البتہ دو افراد زخمی ہوئے ہیں۔

انتظامیہ کا کہنا ہے کہ سڑک پر تقریباً 10 فٹ لمبی، 3 فٹ چوڑی اور 1 فٹ گہری کھائی بن چکی ہے، البتہ انتظامیہ نے مرمتی کام شروع کردیا ہے۔ گندے اور بارش کے پانی کی مسلسل روانی سے بھی زیرزمین دیگر نکاسی آب کی لائنیں بھی کمزور ہوچکی ہیں۔

واٹر سپلائی کمپنی کے مطابق پانی کی فراہمی روک کر مرمتی کام کررہے ہیں، ممکنہ طور پر 3 جنوری تک کام مکمل کرلیا جائے گا۔ اتنظامیہ نے ہنگامی بنیادوں پر مزید کسی نقصان سے بچنے کے لیے ایکشن لیا۔

Comments

یہ بھی پڑھیں