بھارت میں ڈاکو موبائل فون چھیننے کے دوران خاتون کو کئی میٹر دور تک گھسیٹ کر لے گئے جس کی ویڈیو منظرعام پر آگئی۔
بھارتی دارالحکومت دہلی کے شالیمار باغ علاقے میں دو ڈاکوؤں نے چلتی موٹر سائیکل سے خاتون سے موبائل فون چھیننے کی کوشش کی جس کی ویڈیو کیمرے میں محفوظ ہوگئی۔
ویڈیو میں دیکھا جاسکتا ہے کہ ڈاکو موبائل فون چھیننے کے دوران خاتون کو 200 میٹر دور تک گھسیٹ کر لے گئے۔
ویڈیو میں دیکھا جاسکتا ہے کہ دونوں ڈاکو موٹر سائیکل پر رانگ سائیڈ سے آئے اور خاتون سے موبائل فون چھیننے کی کوشش کی اس دوران خاتون نیچے گر گئیں اور ڈاکو موٹر سائیکل سمیت خاتون کو گھسیٹ کر لے گئے۔
Delhi: shocking case of crime against women, a snatcher dragged the victim, for almost 200 meters incident happened at Shalimar Bagh area. @priyanktripathi @bhavatoshsingh @CPDelhi @DelhiPolice @LtGovDelhi pic.twitter.com/Nm07E6QY25
— Sanjay Jha (@JhaSanjay07) December 17, 2021
بعدازاں نیچے گری خاتون کی مدد کے لیے راہگیر بھاگتے ہوئے آئے اور واقعے کے بعد دیگر گاڑیاں بھی رک گئیں۔
بھارتی میڈیا کے مطابق خاتون شالیمار باغ کے فورٹس اسپتال میں ملازمت کرتی ہیں، وہ ڈیوٹی ختم ہونے کے بعد جارہی تھی جب یہ واقعہ پیش آیا۔
پولیس کا کہنا ہے کہ سی سی ٹی وی فوٹیج کی مدد سے واقعے کی تحقیقات شروع کردی گئی ہیں۔
