The news is by your side.

Advertisement

آن لائن کھانے منگوانے والی خاتون کو چکن کی جگہ تلا ہوا تولیہ مل گیا

منیلا : فلپائن میں ریسٹورنٹ نے آن لائن آرڈر کرنے والی خاتون کو چکن بروسٹ کی جگہ بروسٹ تولیہ بھیج دیا۔

اکثر ممالک و شہروں کے ریسٹورنٹس کو گدھے اور مینڈک کا گوشت کو گاہکوں کو کھلاتے دیکھا ہے لیکن فلپائن میں ایک ریسٹورنٹ نے اپنی صارف کو بروسٹ مرغی کی جگہ تولیہ بھیج دیا۔

جی ہاں فلپائن کی خاتون ایلیق پریز نے جولی بی نامی ریسٹورنٹس کا بروسٹ چکن کا آن لائن آرڈر دیا، جو تھوڑی دیر بعد رائیڈر نے خاتون تک پہنچا دیا۔

خاتون نے اپنا آرڈر کھول کر دیکھا تو ششد رہ گئیں کیوں کہ ریسٹورنٹ نے بروسٹ چکن کے نام پر بروسٹ تولیہ بھیج دیا تھا، جس کی تصویر خاتون صارف نے سماجی رابطوں کی ویب سائٹ پر بھی شیئر کیں۔

خاتون نے کہا کہ میں اپنے بیٹے کےلیے بروسٹ چکن منگوائی، جب اسے کھانے لگے تو وہ مرغی دانتوں سے کاٹی نہیں جارہی تھی، جس پر میں نے ڈیپ فرائڈ چکن کو ٹکڑے کرنے کی کوشش کی تو پتہ چلا وہ چکن نہیں بلکہ ڈیپ فرائڈ تولیہ ہے۔

خاتون کی پوسٹ وائرل ہوئی تو انتظامیہ کی جانب سے کارروائی کرتے ہوئے ریسٹورنٹ کو تین دن کےلیے بند کردیا گیا تاکہ واقعے کی تحقیقات کرسکیں اور ایسے واقعات کو دوبارہ رونما ہونے سے روکیں۔

Comments

یہ بھی پڑھیں