قومی ٹیم کے سابق فاسٹ بولر شعیب اختر کے سوشل میڈیا پر جاری بیان نے مداحوں کو پریشانی میں مبتلا کردیا۔
سماجی رابطے کی ویب سائٹ ٹویٹر پر سابق اسپیڈ اسٹار شعیب اختر نے ایک ویڈیو شیئر کی اور ساتھ ہی ایک کیپشن بھی لکھا جسے پڑھ کر مداح پریشانی میں مبتلا ہوگئے۔
انہوں نے لکھا کہ ’آسٹریلیا کی یہ خوبصورت صبح، خود کو چند روز میں چھری کے نیچے جانے کے لیے تیار کررہا ہوں۔‘
These lovely mornings down under. Getting myself ready to go under the knife in a few days. Meanwhile having a good time in Sydney. Have had some great times in Australia. pic.twitter.com/PB0oUwBpm4
— Shoaib Akhtar (@shoaib100mph) July 29, 2022
شعیب اختر نے لکھا کہ ’اس وقت تک سڈنی میں خوبصورت وقت گزار رہا ہوں اس سے قبل بھی آسٹریلیا میں بہت اچھا وقت گزار چکا ہوں۔‘
سابق فاسٹ بولر کے اس ٹویٹ کے ساتھ ویڈیو بھی شیئر کی جسے دیکھنے کے بعد مداحوں کی پریشانی دور ہوگئی۔
شعیب اختر نے ویڈیو بیان میں اپنی طبیعت پوچھنے والے مداحوں کا شکریہ ادا کیا اور کہا کہ میری سرجری کے لیے دعا کریں امید ہے جلد ٹھیک ہوجاؤں گا۔
انہوں نے اپنی رہائشگاہ سے سڈنی شہر کا خوبصورت نظارہ کرواتے ہوئے کہا کہ صبح جلدی اٹھ گیا تھا اس لیے ویڈیو بنالی۔
