The news is by your side.

Advertisement

شوکت خانم کینسراسپتال پشاور کا مریض بچےنےافتتاح کردیا

پشاور : تحریک انصاف کے سربراہ عمران خان نے کہا ہے کہ لوگوں کی تکلیف اورمایوسی دیکھ کر کینسر کا اسپتال بنانے کا فیصلہ کیا اورآج ایک خواب کو تعبیرمل گئی ہے اور اسی دن کا سالوں سے انتظارتھا۔

ان خیالات کا اظہار انہوں نے شوکت خانم کینسراسپتال پشاور کی افتتاحی تقریب سے خطاب کرتے ہوئے کیا، اسپتال کے افتتاح کیلئے کینسر کے مریض بچے کو اسٹیج پر بُلایا گیا۔

شوکت خانم اسپتال لاہور میں زیرعلاج کینسر میں مبتلا 7 سالہ بچے فاخرآفریدی نے افتتاح کیا۔ عمران خان نے فاخر آفریدی کا ہاتھ پکڑ کر فیتہ کٹوایا۔

اپنے خطاب میں عمران خان نے مزید کہا کہ اس دن کا مجھے برسوں سے انتظار تھا۔ ان کا کہنا تھا کہ پشاور میں شوکت خانم اسپتال کسی معجزے سے کم نہیں جب کہ کینسر جیسے موذی مرض کا علاج کرانا عام شہری کے بس میں نہیں لیکن یہاں ہرخاص و عام کا علاج کیا جائے گا۔

انہوں نے بتایا کہ اپنی والدہ کےعلاج کےلئےاسپتال گئے تھے تو ایک غریب مریض کو پریشان دیکھ کر کینسراسپتال بنانے کا خیال آیا تھا۔

کپتان کاکہناتھا کہ لاہور میں اسپتال کاچندہ جمع کرنےکےلئےاسکول کے بچوں نے سب سے زیادہ ساتھ دیا۔ تقریب کے اختتام پر شوکت خانم اسپتال کی انتظامیہ کو اسٹیج پر بُلا کر اُن کیلئے تالیاں بجوائی گئیں۔

Print Friendly, PDF & Email

Comments

comments

یہ بھی پڑھیں