امریکی سیکیورٹی ایجنسی کے دفتر کے باہر فائرنگ، پولیس اہلکار سمیت 3 افراد زخمی:USA
The news is by your side.

Advertisement

امریکا میں سیکیورٹی ایجنسی کے دفتر کے باہر فائرنگ، پولیس اہلکار سمیت 3 افراد زخمی

واشنگٹن: امریکی ریاست میری لینڈ میں قائم نیشنل سیکیورٹی ایجنسی کے دفتر کے باہر مسلح شخص نے فائرنگ کردی جس کے نتیجے میں پولیس اہلکار سمیت تین افراد زخمی ہوگئے۔

ابتدائی اطلاعات کے مطابق یہ حملہ باقاعدگی منصوبہ بندی سے کیا گیا۔ فائرنگ کے بعد پولیس کی جانب بروقت کارروائی کرتے ہوئے مسلح شخص کو گرفتار کرلیا گیا، جس سے مزید تفتیش جاری ہے۔

امریکا میں مسلح حملہ آور کی فائرنگ سے امام مسجد جاں بحق

پولیس حکام کے مطابق واقعے کی اطلاع ملتے ہی جائے وقوعہ پر پہنچ کر فوری کاروائی کی گئی اور زخمیوں کو طبی امداد فراہم کرنے کے لیے مقامی اسپتال منتقل کیا گیا جن کی حالت اب خطرے سے باہر ہے۔

نیشنل سیکیورٹی ایجنسی کے ترجمان کا کہنا ہے کہ حادثے کے مقام کو مکمل طور کر کلیئر کرالیا گیا ہے، اب خطرے کی کوئی بات نہیں، حالات قابو میں ہیں۔

ان کا مزید کہنا تھا کہ قانون نافذ کرنے والے اداروں نے موقع پر پہنچ کر فوری کارروائی کی جن کے ہمرا این ایس اے (نیشنل سیکیورٹی ایجنسی) کا عملہ بھی موجود تھا۔

امریکا سمیت مختلف ممالک میں تاوان کے لیے سائبر حملہ

خیال رہے اس سے قبل سنہ 2015 مارچ میں کار سوار دو مشتبہ افراد نے نیشنل سیکیورٹی ایجنسی کے مرکزی دروازے سے دفتر میں گھسنے کی زبردستی کوشش کی تھی جس کے نتیجے میں فائرنگ کا تبادلہ ہوا اور ایک مشتبہ شخص جاں بحق ہوگیا تھا۔

 2015 میں رونما ہونے والے واقعے میں ملزمان نشے میں دھت ہے۔ البتہ آج پیش آنے والے حملے میں منصوبہ بندی کا اندیشہ ظاہر کیا جارہا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں