The news is by your side.

Advertisement

سودا کیوں‌ نہیں خریدا؟ دکان دار نے 12 سالہ لڑکے کو قتل کردیا

سکھر: دکان دار نے اپنی ہاں سے سودا نہ خریدنے والے بارہ سالہ بچے کو چھریوں کے وار کرکے قتل کردیا اور فرار ہوگیا، قتل سے علاقے میں صف ماتم بچھ گئی۔

اے آر وائی نیوز کے نمائندے سلیم سہتو کے مطابق قتل کی یہ لرزہ خیز واردات سکھر کے علاقے بچل شاہ میں ہوئی۔

بارہ سالہ بچہ ملزم کی سامنے والی دکان سے سامان خریدتا تھا اور وہ اس روز بھی سامان خریدنے گیا تاہم دکان بند ہونے پر وہ سامنے والی دکان چلا گیا جہاں ملزم دکان دار نے بچے کو پہلے تو تشدد کو نشانہ بنایا بعدازاں اسے چھریوں کے وارسے قتل کرکے فرار ہوگیا۔

واقعے کے بعد علاقے میں کہرام مچ گیا، گھر والوں کا کہنا تھا کہ بچہ صابن خریدنے گیا تھا۔

پولیس کے مطابق بچے کی لاش پوسٹ مارٹم کے لیے اسپتال منتقل کردی گئی، رپورٹ درج کرکے ملزم کی تلاش کے لیے چھاپے شروع کردیے ہیں۔

Comments

comments

یہ بھی پڑھیں