شاپنگ کرنا تقریباً ہر خاتون کو پسند ہوتا ہے۔ مردوں کی بات آئے تو انہیں بھی اپنے لیے شاپنگ کرنا پسند ہوتا ہے۔
ماہرین کا دعویٰ ہے کہ شاپنگ کرنا ہماری دماغی صحت کے لیے فائدہ مند ہے۔
آج کل کی مصروف زندگی میں شاپنگ کے انداز بھی بدل گئے ہیں اور زیادہ تر شاپنگ آن لائن کرلی جاتی ہے۔ لیکن ماہرین کا کہنا ہے کہ شاپنگ کے لیے جانا آپ کی دماغی صحت پر بہترین اثرات مرتب کرسکتا ہے۔
آئیں جانتے ہیں شاپنگ ہمارے لیے کس طرح فائدہ مند ہے۔
واک کرنا
جب بھی آپ شاپنگ کے لیے کسی مال یا مارکیٹ میں داخل ہوتے ہیں تو بہتر سے بہتر چیز کی تلاش میں کئی دکانوں پر جاتے ہیں اور اس دوران واک کرتے ہیں۔
یہ وہ چیز ہے جس کے لیے روزمرہ کی مصروفیت میں وقت نکالنا بہت مشکل ہوتا ہے۔ پیدل چلنا یا چہل قدمی کرنا دماغی و جسمانی صحت پر نہایت مفید اثرات مرتب کرتا ہے۔
رنگ آنکھوں کے لیے تسکین کا باعث
شاپنگ کے لیے جانے کے بعد آپ کے چاروں طرف مختلف اشیا کے رنگ بکھرے ہوتے ہیں۔
مختلف اشیا اور مختلف رنگوں کو دیکھنا آنکھوں کے لیے ورزش کا کام دیتا ہے چنانچہ شاپنگ پر جانے سے آپ اپنی آنکھوں کو بھی پرسکون کرنے کا باعث بنتے ہیں۔
ذہنی تناؤ میں کمی
ماہرین اس بات پر متفق ہیں کہ شاپنگ کرنا ذہنی تناؤ میں کمی لاتا ہے۔ شاپنگ کے دوران آپ وقتی طور پر تمام پریشانیوں کو بھول جاتے ہیں جس سے آپ کا دماغ پرسکون ہوتا ہے۔
ماہرین کا کہنا ہے کہ جب بھی آپ اداس ہوں یا کسی وجہ سے پریشان ہوں تو شاپنگ اس کا بہترین علاج ثابت ہوسکتی ہے۔
خوشی
یہ ناممکن ہے کہ آپ اپنے لیے بہترین اشیا کی خریداری کر کے لائیں اور آپ کو خوشی کا احساس نہ ہو۔
نئی اور پسندیدہ اشیا کو استعمال کرنے کا خیال آپ کو خوش اور پرجوش بنا دیتا ہے جس سے آپ کا دماغ بہت پرسکون ہوجاتا ہے۔
تو پھر کیا خیال ہے؟ آج ہی شاپنگ پر جانے کا پروگرام بنالیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
