The news is by your side.

Advertisement

پیراسیٹامول کی قلت: وزیر صحت پنجاب کی کمپنیوں کو پروڈکشن بڑھانے کی ہدایت

وزیر صحت پنجاب نے دینگی کیسز میں کمی کی نوید سنادی، ڈاکٹر یاسمین راشد نے کہا ہے کہ پہلے 525 کیسز سامنے آتے تھے اب ڈھائی سو کیسز رپورٹ ہوئے ہیں۔

پی ٹی آئی رہنما و پنجاب کی وزیر صحت ڈاکٹر یاسمین راشد نے دینگی کیسز اور دوا کی مصنوعی قلت سے متعلق کہا ہے کہ اس وقت تین کروڑ 75 لاکھ پیناڈول موجود ہیں جب کہ اسٹورز میں 41 کروڑ پیراسیٹامول موجود ہیں۔

یاسمین راشد نے کہا کہ 16 کمپنیاں ہیں جن کو پیراسٹامول بنانے کے لائسنس جاری ہیں اور کمپنیوں نے پروڈکشن میں کمی کی تھی جس کی وجہ سے دوا کی دستیابی میں کمی پیدا ہوئی۔

وزیر صحت پنجاب کا کہنا تھا کہ پیراسٹامول، پیناڈول اورکیل پول کی کوئی قلت نہیں ہے جب کہ ان تینوں دواؤں کی قیمت میں بھی کوئی تبدیلی نہیں ہوئی، پیراسٹامول اور پیناڈول موجود ہے اور پیراسٹامول کی مصنوعی قلت جہاں ہوئی وہاں کارروائی کررہے ہیں۔

پنجاب کی وزیر صحت کا اس حوالے سے مزید کہنا تھا کہ کمپنیوں کو بھی ہدایت کی ہے کہ پروڈکشن بڑھائیں۔

لاہور میں ڈینگی کے بڑھتے وار، پیراسیٹامول گولی نایاب

واضح رہے کہ ڈینگی کے وار بڑھتے ہی لاہور میں پیراسیٹامول کی گولی کی مصنوعی قلت پیدا ہوگئی ہے، جس کے خلاف سربراہ ڈریپ کی جانب سے کارروائی کی یقین دہانی کروائی گئی ہے۔

Comments

یہ بھی پڑھیں