The news is by your side.

Advertisement

اسپین میں مسجد پر نقاب پوش مسلح افراد کا حملہ

میڈرڈ: اسپین میں 2 نقاب پوش مسلح افراد نے مسجد پر فائرنگ کردی جس کے نتیجے میں مسجد کی عمارت کو نقصان پہنچا، پولیس نے مقدمہ درج کرکے تحقیقات کا آغاز کردیا۔

غیرملکی خبررساں ادارے کے مطابق اسپین کے شہر سبتا کی ایک مسجد پر موٹرسائیکل سوار 2 نقاب پوش مسلح افراد فائرنگ کرکے فرار ہوگئے، 3 گولیاں مسجد کی دیواروں پر لگیں، خوش قسمتی سے کوئی جانی نقصان نہیں ہوا۔

اسپین کے شہر ستبہ میں مسلمانوں کی کل آبادی 37000 کے لگ بھگ بتائی جاتی ہے

فائرنگ کے وقت مسجد میں نمازی نماز کی ادائیگی کے لیے موجود تھے تاہم تمام افراد محفوظ رہے، پولیس نے مقدمہ درج کرکے ملزمان کی گرفتاری کے لیے چھاپہ مار کارروائی شروع کردی تاہم کسی قسم کی گرفتاری عمل میں نہ آسکی۔

سبتا شہر میں مسجد پر فائرنگ کے واقعے کا یہ واقعہ ہے جس کے بعد مسلم کمیونٹی میں خوف و ہراس پایا جاتا ہے، انتظامیہ نے مسلم برادری کے جذبات مجروح ہونے پر معذرت کرتے ہوئے تحفظ کی یقین دہانی کرائی ہے۔

رپورٹ کے مطابق اسپین کے شہر سبتا میں مسلمانوں کی کل آبادی 37000 کے لگ بھگ بتائی جاتی ہے۔

واضح رہے کہ رواں برس مارچ میں نیوزی لینڈ کے شہر کرائسٹ چرچ کی دو مساجد پر آسٹریلوی دہشت گرد نے نماز جمعہ کے وقت اندھا دھند فائرنگ کردی تھی جس کے نتیجے میں 50 نمازی شہید اور متعدد زخمی ہوگئے تھے۔

Comments

comments

یہ بھی پڑھیں