ممبئی: 2019 میں ایک سیزن پر مشتمل سیریز ’ٹریڈ اسٹون‘ سے ہالی وڈ میں قدم رکھنے والی بالی وڈ اداکارہ شروتی ہاسن ایک اور بین الاقوامی پروجیکٹ کا حصہ بن گئیں۔
ایک مرتبہ پھر شروتی ہاسن بین الاقوامی پروجیکٹ میں نامور ہالی وڈ اداکار مارک رولی کے ساتھ اسکرین شیئر کرتے ہوئے نظر آئیں گی۔ شروتی ہاسن ڈیفنی شمون کی ہدایت کاری میں بننے والی تھرلر فلم ’THE EYE‘ کا حصہ بن گئیں۔
شروتی ہاسن نے انسٹا گرام پر ’ڈیڈ لائن‘ ویب سائٹ پر شائع ایک مضمون کا اسکرین شارٹ شیئر کرتے ہوئے اس خبر کی تصدیق کر دی۔
انہوں نے مداحوں کو بتایا کہ فلم ’THE EYE‘ کا حصہ بننے پر بہت اچھا محسوس ہو رہا ہے، اسٹوری ٹیلنگ میری پسندیدہ چیز ہے، اس پروجیکٹ کا حصہ بنائے جانے پر فلم سازوں کی شگر گزار ہوں۔
View this post on Instagram
فلم کی کہانی ایک بیوہ خاتون کے گرد گھومتی ہے جو اُس جزیرے پر واپس جاتی ہے جہاں اس کا شوہر ہلاک ہوا تھا۔ پروجیکٹ کی مزید تفصیل سامنے نہیں آئی۔
