The news is by your side.

Advertisement

شجاع آباد: باپ کی فائرنگ سے 4 بچے قتل، 2 زخمی

ملتان: صوبہ پنجاب کے علاقے شجاع آباد میں باپ نے فائرنگ کرکے چار بچوں کو قتل اور دو افراد کو شدید زخمی کردیا۔

تفصیلات کے مطابق صوبہ پنجاب کے علاقے شجاع آباد میں نشے کےعادی شخص نے گھریلو تنازع پرطیش میں آکر اپنے ہی بچوں پرفائرنگ کردی جس کے نتیجے میں میں دو بیٹے ایک بیٹی اور پوتاجاں بحق جبکہ ملزم کی بیوی اوربھتیجا شدید زخمی ہوگئے۔

افسوس ناک واقعے کی اطلاع ملتے ہی ریسکیو اہلکار جائے وقوعہ پر پہنچے اور زخمیوں کو نشتر اسپتال منتقل کیا جہاں انہیں طبی امداد دی جا رہی ہے۔

پولیس کے مطابق فائرنگ کرنے کے بعد ملزم جائے وقوعہ سے فرار ہونے میں کامیاب ہوگیا جس کی گرفتاری کے لیے چھاپے مارے جا رہے ہیں۔

ہنگومیں مسافر کوچ پر فائرنگ، 6 افراد جاں بحق

یاد رہے کہ گزشتہ ماہ ہنگو کے علاقے زرگری میں نامعلوم مسلح افراد نے مسافر کوچ پر فائرنگ کی تھی جس کے نتیجے میں 6 افراد جاں بحق اور 4 زخمی ہوگئے تھے۔

واقعے کی اطلاع ملتے ہی سیکیورٹی اہلکار جائے وقوعہ پر پہنچے، امدادی رضاکاروں نے لاشوں اور زخمیوں کو ڈی ایچ کیو اسپتال منتقل کیا تھا۔

پولیس حکام کے مطابق فائرنگ سے جاں بحق ہونے والوں میں ایک سال کا بچہ اور خاتون بھی شامل تھی۔

Comments

comments

یہ بھی پڑھیں