The news is by your side.

Advertisement

چوہدری شجاعت نے شہباز شریف سے مبینہ رابطوں کی تردید کر دی

شریف برادران پہلے میرے مشورے’منافقت سے پرہیز‘ پر عمل کریں: چوہدری شجاعت حسین

لاہور: مسلم لیگ ق کے سربراہ چوہدری شجاعت نے ن لیگ کے صدر شہباز شریف سے مبینہ رابطوں کی تردید کر دی ہے۔

تفصیلات کے مطابق لندن میں موجود ق لیگ کے سربراہ چوہدری شجاعت حسین نے میاں شہباز شریف سے رابطوں کی تردید کرتے ہوئے کہا ہے کہ شہباز شریف سے رابطہ ہوا نہ اس کا امکان ہے۔

چوہدری شجاعت حسین کا کہنا تھا کہ عمران خان نیک نیتی سے مشکل حالات کا سامنا کر رہے ہیں، مہنگائی اور بے روزگاری کے خاتمے کے لیے وزیر اعظم عمران خان کے ساتھ ہیں۔

مسلم لیگ ق کے رہنما نے مزید کہا ’شہباز شریف کو میری طرف سے کوئی پیش کش نہیں ہوئی، شریف برادران پہلے میرے مشورے’منافقت سے پرہیز‘ پر عمل کریں۔

یہ بھی پڑھیں:  پنجاب کابینہ میں ممکنہ ردوبدل، شہباز شریف اور چوہدری شجاعت کے لندن میں رابطے

خیال رہے کہ ذرایع نے کہا تھا کہ لندن میں موجود مسلم لیگ ق کے سربراہ چوہدری شجاعت اور شہباز شریف نے مشترکہ دوستوں کی مدد سے ایک دوسرے سے رابطہ کیا ہے اور ماضی کی تلخیوں کو بھلا کر آگے بڑھنے پر اتفاق کیا گیا۔ ذرایع کے مطابق چوہدری برادران پنجاب میں مزید اہم عہدے حاصل کرنے کے لیے سرگرم ہیں۔

کہا گیا کہ شہباز شریف نے چوہدری شجاعت کو پیغام بھیجا ہے کہ آئیں ایک بار پھر جمہوریت کی خاطر ماضی کی تلخیوں کو بھلا کر آگے کا سفر شروع کریں۔

Comments

comments

یہ بھی پڑھیں