فوجی کی جانب سے حکومت کو یاددہانی میں کوئی حرج نہیں: چوہدری شجاعت -
The news is by your side.

Advertisement

فوجی کی جانب سے حکومت کو یاددہانی میں کوئی حرج نہیں: چوہدری شجاعت

سیالکوٹ: پاکستان مسلم لیگ ق کے مرکزی صدر چوہدری شجاعت کا کہنا ہے کہ ’’اگر فوج نے حکومت کو اس کے حصے امورمکمل کرنے کی یاددہانی کرائی ہے تواس میں کوئی ہرج نہیں ہے۔

سیالکوٹ میں میڈیا سے گفتگو کرتے ہوئے مسلم لیگ ق کے مرکزی صدر چوہدری شجاعت نے کہا کہ حکومت کی جانب سے بیان بازی تشویش ناک ہے۔

آپریشن ضربِ عضب شروع کرنے کے لئے منعقد ہونے والی آل پارٹیز کانفرنس میں یہ طے پایا تھا کہ کچھ امورپر سول حکومت کام کرے گی جبکہ دہشت گردی کی روک تھام اور آپریشن کے حوالے سے فوج اپنا کردا رادا کرے گی۔

ان کا کہنا تھا کہ فوج اپنے حصے کے امور پر درست سمت میں کام کررہی اور اگر حکومت اپنے حصے کے امور انجام دینے میں تاخیر کررہی ہے اورفوج نے ان میں سے کسی جانب نشاندہی کی ہے تواس میں کوئی ہرج نہیں ہے۔

بلدیاتی الیکشن کے حوالے سے بات کرتے ہوئے انھوں نے کہا کہ ہمارا مقابلہ مسلم لیگ ن سے نہیں ہے بلکہ ضلع کے ڈی سی اوز اور ڈی پی او صاحبان سے ہے جن کی پشت پناہی حکومت کررہی ہے۔

Comments

comments

یہ بھی پڑھیں