انگلینڈ کی دی ہنڈریڈ لیگ میں پاکستان کے اسپنر ابرار احمد کو آئی پی ایل سے منسلک ٹیم سن رائزرز لیڈز میں شامل کرنے پر بی سی سی آئی کے نائب صدر راجیو شکلا کا بیان سامنے آگیا۔
بی سی سی آئی کے نائب صدر راجیو شکلا نے کہا کہ ابرار احمد کو شامل کرنا باہر کی لیگ کا معاملہ ہے یہ ہماری انڈین پریمیئر لیگ کا معاملہ نہیں ہے۔
انہوں نے کہا کہ یہ ہمارے دائرہ اختیار میں نہیں آتا، یہ انہوں نے غیر ملکی لیگ میں کیا جہاں وہ مالک ہیں۔
یہ پڑھیں: رائزرز لیڈز کے ہیڈ کوچ کا ابرار احمد کے حق میں بڑا بیان!
راجیو شکلا نے کہا یہ ان کا فیصلہ ہے ہم کچھ نہیں کر سکتے۔
واضح رہے کہ دی ہنڈریڈ لیگ 2026 کی پلیئر آکشن میں آئی پی ایل ٹیم سن رائزرز حیدرآباد کی مالکن کاویا مران نے سن رائزر ز لیڈز کے لیے پاکستانی اسپنر ابرار احمد کو کروڑوں روپے میں حاصل کیا۔
سن رائزرز لیڈز نے ابرار احمد کو 1 لاکھ 90 ہزار پاؤنڈز میں خریدا جس پر ٹیم کی مالکان کو تنقید کا نشانہ بنایا جارہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں