The news is by your side.

Advertisement

سعودی شوریٰ کونسل کا وفد آج پارلیمنٹ ہاؤس کا دورہ کرے گا

اسلام آباد : چیئرمین ڈاکٹرعبداللہ بن محمد بن ابراہیم الشیخ کی قیادت میں سعودی شوریٰ کونسل کا وفد آج پارلیمنٹ ہاؤس کا دورہ کرے گا۔

تفصیلات کے مطابق سعودی شوریٰ کونسل کا وفد آج پارلیمنٹ ہاؤس کا دورہ کرے گا، وفد کی قیادت چیئرمین ڈاکٹرعبداللہ بن محمد بن ابراہیم الشیخ کریں گے۔

چیئرمین سینیٹ صادق سنجرانی سعودی وفد کا استقبال کریں گے، سعودی وفد چیئرمین سینیٹ اور اسپیکرقومی اسمبلی سے ملاقات کرے گا۔

سعودی شوریٰ کونسل کا وفد 14 سال بعد پاکستان کا دورہ کررہا ہے، دورے کے دوران سعودی شوریٰ کونسل کا وفد صدر، وزیراعظم اور آرمی چیف سے ملاقات کرے گا۔

سعودی شوریٰ کونسل کے دورے کا مقصد باہمی روابط کا فروغ ہے جبکہ پارلیمانی وفود کے تبادلے سماجی، سیاسی ومعاشی تعلقات کے فروغ میں مدد دیں گے۔

آرمی چیف سے سعودی نائب وزیر دفاع کی ملاقات

یاد رہے گزشتہ روز جی ایچ کیو میں سعودی نائب وزیرِ دفاع محمد بن عبداللہ العائش نے آرمی چیف جنرل قمر جاوید باجوہ سے ملاقات کی تھی، ملاقات میں دونوں ممالک کے درمیان باہمی دل چسپی کے امور، دفاعی اور سلامتی کے سلسلے میں تعاون پر تبادلہ خیال کیا گیا تھا۔

Comments

comments

یہ بھی پڑھیں