The news is by your side.

Advertisement

مقبوضہ کشمیر میں ہڑتال ساتویں روز بھی جاری

سری نگر: نوجوان حریت پسند برہان وانی کی بھارتی فوج کے ہاتھوں شہادت کے بعد مقبوضہ کشمیر میں ہڑتال 7ویں روز بھی جاری ہے جب کہ موبائل فون اور انٹرنیٹ سروس بھی بند ہیں۔

تفصیلات کے مطابق مقبوضہ کشمیر کے علاقے ترنال میں کے رہائشی نوجوان حریت پسند کارکن برہان وانی کی شہادت کے بعد  کشمیری عوام بالخصوص نوجوانوں کی جانب سے خراج عقیدت پیش کیے جانے کا سلسلہ جاری ہے اور بھارتی فوج کی بربریت  کے خلاف سراپا عوامی جذبات کو جبری طور روکنے کے لیے بھارت کی کٹھ پتلی انتظامیہ نے سات روز سے ترال میں کرفیو نافذ کر رہا ہے جب کہ موبائل اور انٹر نیٹ سروس بھی بند ہے۔

آج حریت رہنماؤں کی اپیل پر ہڑتال کی جارہی ہے اور جمعہ کی نمازکےبعد متوقع مظاہروں کے باعث بھارتی کٹھ پتلی انتظامیہ کی جانب سے مقبوضہ کشمیر میں آج بھی کئی علاقوں میں کرفیو نافذ ہےجس سے نظام زندگی بری طرح متاثر ہے۔

تفصیلات جانیے: بھارتی فوج کی بربریت،حریت پسند برہان وانی شہید

برہان وانی کی شہادت کے بعد سے بھارتی فوج کی پر تشدد کا روائیاں جاری ہیں جس میں متعدد کشمیری شہید اور سینکڑوں زخمی ہوگئے ہیں اور مسلسمل ساتویں روز ہڑتال سے معمولاتِ زندگی متاثر ہیں۔

دوسری جانب آزاد کشمیرمیں بھارتی جارحیت کے خلاف کشمیری عوام سے اظہار یکجہتی کیلئے آج یوم سیاہ منایا جارہا ہے جس دوران بھارت کے خلاف احتجاجی مظاہرے اور ریلیاں نکالی جائیں گی۔

Print Friendly, PDF & Email

Comments

comments

یہ بھی پڑھیں