The news is by your side.

Advertisement

اداکارہ شیوتا تیواری کا شوہر سے راہیں جدا کرنے کا فیصلہ

ممبئی: بالی ووڈ اداکارہ شیوتا تیواری اور اُن کے شوہر ابھیناؤ کوہلی نے اپنے راستے جدا کرنے کا فیصلہ کرلیا۔

بھارتی میڈیا کے مطابق بالی ووڈ اداکارہ شیوتا تیواری کے شوہر شوبز انڈسٹری میں ملنے والی کامیابیوں سے ناخوش نظر آتے ہیں اور اسی بات پر انہوں نے اپنی اہلیہ کو کام کرنے سے کئی بار روکنے کی کوشش کی۔

انڈین ایکسپریس کی رپورٹ کے مطابق بالی ووڈ اداکارہ اور شوہر کے درمیان معاملات سنگین ہوگئے ہیں جس کی بنیاد پر دونوں نے علیحدگی کا فیصلہ کرلیا ہے تاہم ابھیناؤ کوہلی نے علیحدگی کی خبروں پر کوئی بھی تبصرہ کرنے سے صاف انکار کردیا۔

انہوں نے کہا کہ میڈیا میں آنے والی خبروں میں کوئی تصدیق نہیں، ہمارے معاملات ضرور خراب ہوئے تاہم بات چیت سے انہیں حل کرلیا گیا ہے، ابھی سب کچھ بہتر ہے تاہم مستقبل میں جو کچھ بھی ہوگا اُس سے ضرور آگاہ کریں گے۔

یاد رہے کہ بالی ووڈ جوڑا رواں سال جولائی میں چھٹیاں گزارنے بیرونِ ملک گیا تھا، انہوں نے تصاویر بنا کر سوشل میڈیا پر شیئر بھی کی تھیں جن میں آپسی جھگڑے کے آثار کہیں سے نمودار نہیں ہورہے تھے۔

Blessed #BaalBacche

A post shared by Abhinav Kohli (@abhinav.kohli024) on

واضح رہے کہ پہلی شادی ختم ہونے کے بعد شیوتا اور ابھیناؤ نے 2013 میں پسند کی شادی کی تھی اور کوہلی نے اُن کی بیٹی پلک کو بھی کھلے دل سے تسلیم کیا تھا بعد ازاں نومبر 2016 میں ان کے گھر بیٹی کی پیدائش ہوئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں