The news is by your side.

Advertisement

ہاؤسنگ سوسائٹی کے نام پر زمین کی غیر قانونی فروخت کا انکشاف

سیالکوٹ : سیکڑوں کینال اراضی کی غیر قانونی فروخت کے انکشاف پر سیالکوٹ انتظامیہ نے نوٹس لے لیا، الرحمان گارڈن کے نام سے بغیر این او سی75فیصد اراضی کی فروخت کی گئی۔

سیالکوٹ میں انتظامیہ کی ملی بھگت سے بغیر تصدیق شدہ ہاؤسنگ سوسائٹی کی تشہیر کا انکشاف ہوا ہے، الرحمان گارڈن کے نام سے بغیراین اوسی75فیصد اراضی کی فروخت کی گئی۔

اس حوالے سے سی ای او ضلع کونسل عنصر ساہی نے بتایا کہ الرحمان گارڈن کے نام سے کوئی ہاؤسنگ سوسائٹی رجسٹرڈ نہیں ہے۔ مذکورہ ہاؤسنگ اسکیم سیالکوٹ ہیون کے نام سے اپلائی کی گئی۔

سی ای او ضلع کونسل کا کہنا ہے کہ200کینال اراضی کیلئے این او سی کی درخواست دی گئی، کسی بھی ادارے کیلئے حکومتی اجازت کے بغیر تشہیر اور فروخت غیر قانونی عمل ہے۔

سی ای او عنصر ساہی کا کہنا ہے کہ الرحمان گارڈن کے نام سے ہاؤسنگ سوسائٹی کو نوٹس جاری کردیا گیا ہے۔ یہ نوٹس قانون کی خلاف ورزی پر جاری کیا گیا ہے۔

Comments

یہ بھی پڑھیں