بھارت کے معروف پنجابی گلوکار سدھو موسے والا کو قتل کرنے کے بعد ملزمان کے جشن منانے کی ویڈیو منظرعام پر آگئی۔
بھارتی میڈیا نے اپنے ٹویٹر اکاؤنٹ پر سدھو موسے والا کے قاتلوں کی ایک ویڈیو شیئر کی ہے جس میں وہ ایک گاڑی میں سفر کرتے اور پنجابی گانے پر جشن مناتے نظر آرہے ہیں۔
ویڈیو میں سدھو موسے کے قاتلوں کے ہاتھوں میں اسلحہ بھی دیکھا جاسکتا ہے جبکہ پس منظر میں گانے کی آواز بھی صاف سنائی دے رہی ہے۔
#WATCH | In a viral video, Sidhu Moose Wala’s murder accused Ankit Sirsa, Priyavrat, Kapil, Sachin Bhivani, & Deepak brandished guns in a vehicle pic.twitter.com/SYBy8lgyRd
— ANI (@ANI) July 4, 2022
واضح رہے کہ گلوکار سدھو موسے والا کو 29 مئی کو ضلع مانسا میں فائرنگ کرکے قتل کردیا گیا تھا گزشتہ روز قاتلوں کو دہلی پولیس نے گرفتار کیا۔
مزید پڑھیں: بھارتی گلوکار سدھو موسے والا کا قاتل گرفتار
پولیس نے ملزمان کے قبضے سے دو پستول اور 19 کارتوس برآمدد کیے جبکہ ملزمان کے قبضے سے پنجاب پولیس کی تین وردیاں بھی برآمد ہوئیں۔
اس سے قبل گینگسٹر لارنس بشنوئی نے سدھو موسے والا کے قتل کا اعتراف کرتے ہوئے دہلی پولیس سے کہا تھا کہ ’ہاں! میرے گینگ کے رکن نے سدھو موسے والا کو مارا ہے۔‘
گینگسٹر لارنس بشنوئی کا کہنا تھا کہ وکی مڈوکھیرا ان کا بڑا بھائی تھا اور ان کے گینگ نے وکی کی موت کا بدلہ
لیا۔
