پاکستانیوں نے پاؤں زمین پرنہیں لگنے دیے، عمران خان نے جھک کر سلام کیا: نوجوت سنگھ سدھو -
The news is by your side.

Advertisement

پاکستانیوں نے پاؤں زمین پرنہیں لگنے دیے، عمران خان نے جھک کر سلام کیا: نوجوت سنگھ سدھو

اسلام آباد: سابق بھارتی کرکٹرنوجوت سنگھ سدھو نے وطن لوٹ‌کر بھی پاکستانیوں‌کی مہمان نواز کی تعریفوں‌ کا سلسلہ جاری رکھا.

تفصیلات کے مطابق نوجوت سنگھ سدھ عمران خان کی تقریب حلف برداری میں شرکت کے بعد بھارت لوٹ چکے ہیں.

انھوں‌ نے اپنے ایک انٹرویو میں کہا کہ پاکستانیوں نے شان دار مہمان نوازی کی، پاؤں زمین پرنہیں لگنے دیے.

انھوں‌ نے وزیراعظم عمران خان کی تعریف کرتے ہوئے کہا کہ انھوں‌ نےحلف برداری کی تقریب میں مجھےدیکھ کرجھک کرسلام کیا، میں‌ نے بھی دل پر ہاتھ رکھ کر جواب دیا.

انھوں نے آرمی چیف سے ہونے والی گفتگو کا بھی تذکرہ کیا. نوجوت سنگھ سدھو کا کہنا تھا کہ آرمی چیف نے کہا کہ ہمیں بہادرلوگ پسند ہیں، آپ نےبہت بہادری کی.

مزید پڑھیں: نوجوت سنگھ سدھو کی لاہور کے ٹکسالی بازار سے شاپنگ، شہریوں میں گھل مل گئے

واضح رہے کہ سابق بھارتی کرکٹر، سیاست داں اور ٹی وی ہوسٹ کا شمار عمران خان کا دوستوں میں ہوتا ہے، وہ تقریب حلف برداری میں شرکت کے لیے خصوصی طور پر پاکستان آئے تھے، جہاں‌ وہ میڈیا اور عوام کی توجہ کا مرکز بنے رہے.

یاد رہے کہ سابق بھارتی کرکٹر نوجوت سنگھ سدھو  نے واپسی سے قبل ٹکسالی بازار سے خریداری کی تھی، جہاں  شہریوں نے انہیں دیکھ کر خوشی کا اظہار کیا اور سیلفیاں بنوائیں۔

Comments

comments

یہ بھی پڑھیں