The news is by your side.

Advertisement

دوران ڈکیتی ننھی سدرہ کے قتل میں ملوث دو ملزمان گرفتار، اسلحہ برآمد

کراچی : سرجانی ٹاؤن میں دوران ڈکیتی ننھی سدرہ کے قتل کا واقعہ پر اہم پیشرفت ہوئی ہے مقدمہ میں ملوث دونوں ملزمان کو گرفتار کرلیا گیا، یہ گروہ مختلف علاقوں میں کئی وارداتوں میں ملوث ہے۔

تفصیلات کے مطابق گزشتہ دنوں کراچی کے علاقے سرجانی ٹاؤن میں دوران ڈکیتی ننھی سدرہ کے قتل کا واقعہ پیش آیا تھا پولیس نے اہم پیشرفت کرتے ہوئے مقدمہ میں ملوث دونوں ملزمان کو گرفتار کرلیا۔

اس حوالے سے ایس ایس پی سینٹرل عارف اسلم راؤ کا کہنا ہے کہ گرفتار ملزمان نے نہ صرف ننھی سدرہ کے قتل میں ملوث ہیں بلکہ ملزمان کئی وارداتوں میں فائرنگ کرکے شہریوں کو قتل کرچکے ہیں۔

پولیس کے مطابق گزشتہ ماہ25تاریخ کو نیو کراچی کے علاقے گودھرا میں اسی گروہ نے دکان پرفائرنگ کی تھی، فائرنگ سے محمد کامران جاں بحق اور اس کا بھائی زخمی ہوگیا تھا۔

ملزمان نے70ہزارروپے کیلئے دکان پرفائرنگ کرکے شہری کو قتل کردیا تھا، پولیس کے مطابق یہ گروہ نیو کراچی کے مختلف علاقوں میں کئی وارداتوں میں ملوث ہے۔

مزید پڑھیں: کراچی میں ڈکیتی مزاحمت پر فائرنگ سے 4 سالہ بچی جاں بحق

گرفتار ملزمان میں علی نواز، علی اکبر شامل ہیں، ایس ایس پی عارف اسلم کے مطابق ملزمان کے قبضے سے دو ہتھیار بھی ملے ہیں، اس کے علاوہ ملزمان سے چھینی گئی موٹرسائیکل بھی برآمد کرلی گئی ہے۔

fb-share-icon0
Tweet 20

Comments

comments

یہ بھی پڑھیں