The news is by your side.

Advertisement

ایف بی آر کے بے نامی زون کراچی کی اہم کامیابی

کراچی: فیڈرل بورڈ آف ریونیو (ایف بی آر) کے بے نامی زون کراچی کو اہم کامیابی ملی، عبدالغفار نامی شخص کے شناختی کارڈ پر 15 گاڑیوں کی رجسٹریشن کا انکشاف ہوا ہے۔

تفصیلات کے مطابق بے نامی زون کراچی کی کارروائی کے دوران عبدالغفار نامی شخص کے شناختی کارڈ پر 15 گاڑیوں کی رجسٹریشن کا انکشاف ہوا، شہری نے تحریری بیان اینٹی بے نامی زون کراچی کو دے دیا۔

عبدالغفار کا کہنا ہے کہ میرے نام سے رجسٹرڈ تمام 15 گاڑیوں سے میرا کوئی تعلق نہیں ہے۔

اس نے کہا کہ میں نہیں جانتا ان گاڑیوں کا اصل مالک کون ہے، کسی نے میرے شناختی کارڈ کا غلط استعمال کیا ہے، تمام گاڑیوں کی رجسٹریشن میرے نام سے منسوخ کردی جائے۔

ذرایع اینٹی بے نامی زون کے مطابق تمام بے نامی گاڑیوں کو ضبط کرکے نیلام کیا جائے گا۔

خیال رہے کہ بے نامی گاڑیوں سے حاصل رقم قومی خزانے میں جمع کرائی جائے گی۔

Comments

یہ بھی پڑھیں