The news is by your side.

Advertisement

کروناوائرس: امریکی اور روسی صدور کے درمیان اہم رابطہ

واشنگٹن: امریکی صدر ڈونلڈ ٹرمپ اور روسی ہم منصب ولادی میرپیوٹن کے درمیان ٹیلی فونک رابطہ ہوا اس دوران وبائی مرض کروناوائرس سے متعلق تبادلہ خیال کیا گیا۔

تفصیلات کے مطابق ڈونلڈ ٹرمپ اور ولادی میرپیوٹن کے درمیان ہونے والی ٹیلی فونک گفتگو میں کروناوائرس کے خلاف مشترکہ حکمت عملی پر بات چیت ہوئی اور دنیا بھر میں ہونے والی اموات پر گہرے دکھ کا اظہار کیا گیا۔

دونوں رہنماؤں کے درمیان ہونے والی گفتگو میں عالمی منڈی میں تیل کی قیمتیں بھی زیربحث آئیں۔ دونوں صدور میں تیل کی قیمتوں سے متعلق مشاورت پر اتفاق ہوا اور مل کر کام کرنے پر زور دیا گیا۔

دنیا بھر میں کرونا وائرس سے اموات 34 ہزار ہو گئیں

خیال رہے کہ وبائی مرض کروناوائرس نے دنیا بھر میں تباہی مچا رکھی ہے البتہ روس نے مہلک وائرس پر کنٹرول رکھا ہوا ہے۔ کروناوائرس کے متاثرہ ممالک میں امریکا سرفہرست آگیا، امریکا میں کروناوائرس کے مریضوں کی تعداد 1لاکھ 45ہزار 131 ہوگئی۔ جبکہ وائرس کے باعث اموات 2ہزار 608 تک ریکاڑ کی گئی۔

امریکا میں کرونا کے ایکٹیو مریضوں کی تعداد 1لاکھ37ہزار949 ہے۔ واضح رہے کہ وبا پر قابو پانے کے لیے عالمی ادارہ صحت ہرممکن اقدامات کررہا ہے تاہم اس کے باوجود اموات اور مریضوں میں اضافہ ریکارڈ کیا گیا۔

fb-share-icon0
Tweet 20

Comments

comments

یہ بھی پڑھیں