The news is by your side.

Advertisement

صحافی عزیز میمن قتل کیس میں اہم پیش رفت

سکھر: پولیس نے صحافی عزیز میمن کے قتل میں ملوث ملزم نذیر سہتو سمیت 15 ملزمان کو گرفتار کر لیا۔

تفصیلات کے مطابق صحافی عزیز میمن قتل کیس میں اہم پیش رفت سامنے آئی ہے۔پولیس نے نواب شاہ، نوشہروفیروز اور خیرپور میں چھاپہ مار کارروائیوں کے دوران ملزم نذیر سہتوسمیت پندرہ افراد کوگرفتار کر کے نامعلوم مقام پر منتقل کر دیا۔

پولیس حکام کے مطابق کچھ ملزمان کا ڈی این اے مقتول کے ناخن سے ملنے والے ڈی این اے سے میچ کرگیا۔

صحافی عزیز میمن نے قتل سے پہلے مزاحمت کی، پوسٹ مارٹم رپورٹ میں انکشاف

اس سے قبل گزشتہ ماہ 10 اپریل کو رضوانہ خانزادہ محمد حسین اور ڈاکٹر علی محمد پروفیسر محمد اکبر کی جانب سے صحافی عزیز میمن کی پوسٹ مارٹم رپورٹ جاری کی گئی تھی۔

پوسٹ مارٹم رپورٹ میں کہا گیا تھا کہ مقتول کے ناخن سے ایک سے زائد افراد کے اجزا ملے، انسانی اجزا ملنے سے پتہ چلتا ہے کہ مقتول نے ملزمان سے مزاحمت کی۔

یاد رہے کہ رواں سال فروری میں صوبہ سندھ کے ضلع نوشہروفیروز کے شہر محراب پور میں سندھی چینل کے رپورٹر عزیز میمن کی لاش نہر سے برآمد ہوئی تھی جس کے بعد قتل کے شبے میں ان کے ساتھی کیمرا مین سمیت 2 افراد کو حراست میں لیا گیا تھا۔

fb-share-icon0
Tweet 20

Comments

comments

یہ بھی پڑھیں