The news is by your side.

Advertisement

وہ انوکھی نشانیاں جو ذہانت کا تعین کریں

ذہین افراد کی فطرت و عادات میں کچھ مخصوص نشانیاں پائی جاتی ہیں جو ان کی ذہانت کی طرف اشارہ کرتی ہیں۔ کچھ افراد ایسے بھی ہوتے ہیں جو اپنی ذہانت سے بے خبر ہوتے ہیں اور خود کو در خو اعتنا نہیں سمجھتے۔

کہیں آپ کا شمار بھی ایسے ہی افراد میں نہیں ہوتا؟ تو پھر ہم نے آپ ہی کے لیے ایسی فہرست مرتب کی ہے جو اگر آپ کی زندگی میں موجود ہے تو جان جائیں کہ آپ کا شمار بھی ذہین افراد میں ہوتا ہے۔


موسیقی سیکھنا

ماہرین کا کہنا ہے کہ موسیقی سیکھنا یا کوئی آلہ موسیقی بجانا دماغ کے خلیات کو فعال کرتا ہے۔ ان کے مطابق صرف ایک مہینے تک موسیقی کی کلاس لینا 4 سے 6 سال کے بچوں کی ذہنی نشونما میں اضافہ کرتی ہے۔

کیا آپ نے کبھی بچپن یا اوائل نوجوانی میں موسیقی کی کلاس لی ہے؟ تو پھر جان جائیں کہ آپ اپنے ارد گرد موجود افراد سے زیادہ ذہین ہیں۔


بہن بھائیوں میں بڑا ہونا

ایک تحقیق کے مطابق سب سے بڑے بھائی یا بہن میں دیگر بچوں کی نسبت زیادہ ذہانت موجود ہوتی ہے۔ بڑے بہن بھائی چھوٹوں کی نسبت اپنی زندگی میں زیادہ کامیاب بھی ہوتے ہیں۔


اسمارٹ جسامت

ایک حیرت انگیز تحقیق میں انکشاف ہوا کہ کمر کی موٹائی کا تعلق حیرت انگیز طور پر ذہانت سے بھی ہے۔ جس شخص کی کمر جتنی چوڑی ہوتی ہے، ذہانت کے امتحان میں اس کی کامیابی کا امکان اتنا ہی کم ہوتا ہے۔


بلند قامتی

کیا آپ کا قد دیگر ساتھیوں سے لمبا ہے اور اس وجہ سے آپ اپنے دوستوں کے مذاق کا نشانہ بھی بنتے ہیں؟ تو اس بات پر ان سے خفا ہونا چھوڑ دیں کیونکہ آپ کی بلند قامتی آپ کے ذہین ہونے کی طرف اشارہ کرتی ہے۔


ماں کا دودھ پینا

برطانیہ میں کی جانے والی ایک تحقیق کے مطابق ماں کا دودھ پینے والے بچے دیگر اقسام کا دودھ پینے والوں بچوں کی نسبت زیادہ ذہین ہوتے ہیں۔


پریشان ہونا

کیا آپ پریشان کن صورتحال کو چٹکیوں میں اڑا دیتے ہیں اور فطرتاً لاپرواہ ہیں؟ ماہرین اس بات پر متفق ہیں کہ چھوٹی چھوٹی باتوں پر پریشان ہوجانا بظاہر تو مضر عادت لگتی ہے، تاہم یہ نہ صرف ذہانت کی نشانی ہے بلکہ اس بات کی طرف بھی اشارہ کرتی ہے کہ آپ ہر قسم کے مسائل کو دور اندیشی سے حل کرنے کی صلاحیت رکھتے ہیں۔


بائیں ہاتھ کا استعمال

ماہرین کا کہنا ہے کہ بائیں (الٹے) ہاتھ سے کام کرنے والے افراد دائیں (سیدھے) ہاتھ سے کام کرنے والے افراد کی نسبت زیادہ ذہین اور تخلیقی سوچ کے حامل ہوتے ہیں۔


حس مزاح

کسی شخص میں حس مزاح کا موجود ہونا بھی اس کے ذہین ہونے کا ثبوت ہے۔


پرتجسس ہونا

چیزوں کے بارے میں پر تجسس ہونا اور جاننے کی کوشش کرنا بھی آپ کے ذہین ہونے کی نشانی ہے۔


کاملیت پسندی

ذہین افراد اپنے ہر کام میں پرفیکشن چاہتے ہیں۔ وہ اپنے ظاہری حلیے سے لے کر پیشہ وارانہ امور تک ہر کام نہایت پرفیکشن سے سر انجام دیتے ہیں چاہے اس کے لیے انہیں زیادہ محنت اور وقت کیوں نہ صرف کرنا پڑے۔


خراب لکھائی

کیا اپنی خراب لکھائی پر آپ کو شرمندگی کا سامنا کرنا پڑتا ہے؟ تو پھر اس شرمندگی سے چھٹکارہ پالیں کیونکہ ذہین افراد کا ذہن نہایت تیز چلتا ہے اور ان کے ہاتھ کی رفتار ذہن کا ساتھ نہیں دے پاتی، نتیجتاً ایسے افراد نہایت خراب لکھائی میں اپنا خیال پیش کرتے ہیں۔


مطالعے کا شوق

اگر آپ کو بچپن سے مطالعے کا شوق ہے اور آپ نے بچپن ہی سے کتابوں کا مطالعہ شروع کردیا تھا تو یقیناً آپ کی معلومات اپنے دیگر ساتھیوں سے زیادہ ہوگی۔ یہی نہیں آپ مختلف مسائل اور پریشانیوں کو بہتر طور پر حل کرنے کی صلاحیت بھی رکھتے ہیں۔


رات کو جاگنا

یوں تو دن کو جاگ کر کام کرنا اور رات میں سوجانا ہماری طے کردہ فطرت ہے، تاہم ماہرین کا کہنا ہے کہ وہ افراد جو اس کے برعکس ہوں، راتوں کو جاگتے ہوں اور دن میں سوتے ہوں وہ بھی عموماً ذہین اور تخلیقی صلاحیت کے حامل ہوتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں