زمبابوے کے آل راؤنڈر سکندر رضا کا کہنا ہے کہ یقین تھا کہ فیلڈنگ اچھی تو جیت جائیں گے۔
میچ کے بعد میڈیا سے گفتگو کرتے ہوئے زمبابوین آل راؤنڈر سکندر رضا کا کہنا تھا کہ جیت کی خوشی کیسے بیان کروں میرے پاس الفاظ نہیں ہیں بولرز نے ناقاین یقین کارکردگی کا مظاہرہ کیا۔
سکندر رضا کا کہنا تھا کہ ورلڈکپ میں پاکستان جیسی مضبوط ٹیم کو ہرانا بہترین جیت ہے، ابھی سیمی فائنل کا نہیں سوچ رہے۔
ان کہنا تھا کہ مجھے لگتا تھا کہ ہم نے 15 سے 20 رنز کم بنائے ہیں تاہم یقین تھا کہ اگر ہم نے فیلڈنگ اچھی کی تو جیتیں گے۔
زمبابوین کرکٹر کا کہنا تھا کہ میں اپنی کارکردگی پر بس الحمداللہ ہی کہوں گا، گزشتہ روز میچ کے بارے میں سوچتا رہا تھا۔
واضح رہے کہ زمبابوے نے پاکستان کو ایک رن سے شکست دے کر اپ سیٹ کردیا، سکندر رضا کو میچ میں تین وکٹیں حاصل کرنے پر بہترین کھلاڑی قرار دیا گیا۔
The Player of the Match, for his figures of 3/25, is @SRazaB24! 👏#PAKvZIM | #T20WorldCup pic.twitter.com/TU7Dqet5h4
— Zimbabwe Cricket (@ZimCricketv) October 27, 2022
پوائنٹس ٹیبل پر نظر ڈالی جائے تو بھارت دو میچز جیت کر چار پوائنٹس کے ساتھ پہلے نمبر پر موجود ہیں جبکہ جنوبی افریقہ تین پوائنٹس کے ساتھ دوسرے نمبر پر براجمان ہے۔
زمبابوے تین پوائنٹس کے ساتھ تیسرے، بنگلہ دیش دو پوائنٹس کے ساتھ چوتھے اور پاکستان بغیر کسی پوائنٹ کے پانچویں نمبر پر موجود ہے۔
