نئی دہلی : بھارتی پنجاب اسمبلی کے رکن مہندر پال سنگھ کا کہنا ہے کہ مودی بھارت کوبدنام کرنےآیا ہے اسےکبھی شرم نہیں آئے گی، مودی کوحکومت کودینا بندرکو ماچس دینےکےمترادف ہے۔
تفصیلات کے مطابق بھارتی پنجاب اسمبلی کے رکن مہندر پال سنگھ نے یو این چیف کے دورہ کرتارپور کے حوالے سے کہا اقوام متحدہ کےسیکرٹری جنرل اپنی خواہش پر کرتارپورآئے اور کرتارپور میں سیکرٹری جنرل نے اکیلے تصویر بھی بنوائی۔
،سکھ رہنما نے مودی پر تنقید کرتے ہوئے کہا کہ مودی بھارت کوبدنام کرنےآیا ہے اسےکبھی شرم نہیں آئے گی، مودی کوحکومت کودینا بندرکو ماچس دینےکےمترادف ہے۔
ان کا مزید کہنا تھا کہ بھارت نےکرتاپورکیلئےویزاپالیسی بہت سخت رکھی ہے۔
یاد رہے بھارتی پنجاب اسمبلی کے رکن مہندر پال سنگھ نے کہا تھا کہ مودی کے پاس دکھانے کو کچھ اچھا نہیں اس لیے پاکستان کو بدنام کرکے خود کو اچھا ثابت کرنے کی کوشش کرتے ہیں۔
مزید پڑھیں : خوشی ہےکرتار پور راہداری دیکھنے کا اعزاز حاصل ہوا، سیکرٹری جنرل
خیال رہے گذشتہ روز اقوام متحدہ کے سیکریٹری جنرل انتونیوگوتریس نے کرتارپور کا دورہ کیا ، جہاں لنگر خانے میں کھانا کھایا اور لائبریری بھی دیکھی۔
اس موقع پر سیکریٹری جنرل کو بندھک کمیٹی نے چادر پہنائی اورتحائف دیے۔
بعد ازاں اقوام متحدہ کے سیکریٹری جنرل انتونیو گوتیریس نے اپنے پیغام میں کہا تھا کہ پاکستان میں حال ہی میں افتتاح کردہ کرتار پور راہداری کا دورہ اعزاز ہے، کرتارپور راہداری، امید کی راہداری ہے، یہ سکھوں کے دو اہم مذہبی مقامات ملاتی ہے، راہداری بلاشبہ بین المذاہب ہم آہنگی کی کلیدی علامت ہے۔
