marriage پاکستان سکھوں کی شادیاں رجسٹرڈ کرنے والا پہلا ملک بن گیا sikh
The news is by your side.

Advertisement

پاکستان سکھوں کی شادیاں رجسٹرڈ کرنے والا پہلا ملک بن گیا

لاہور : پاکستان دنیا بھر میں سکھوں کی شادیاں رجسٹرڈ کرنے والا پہلا ملک بن گیا، پنجاب اسمبلی نے سکھ میرج رجسٹریشن بل منظور کرلیا۔

تفصیلات کے مطابق پنجاب اسمبلی نے سکھوں کی شادی کی رجسٹریشن کا قانون آنند کراج ایکٹ منظور کرلیا ہے، پنجاب اسمبلی کے آج ہونے والے اجلاس میں اقلیتی رکن سردار رمیش سنگھ اروڑا نے بل پیش کیا تھا۔

اسپیکر پنجاب اسمبلی رانا محمد اقبال خان کی زیر صدارت اجلاس میں مذکورہ بل متفقہ طور پر منظور کرلیا گیا، مذکورہ بل کا نام ’’ آنند کراج ایکٹ ‘‘ رکھا گیا ہے، جس کے بعد پاکستان سکھ شادیاں رجسٹر کرنے والا پہلا ملک بن گیا، اس قانون کے مطابق شادی کیلئے سکھ لڑکے یا لڑکی کی کم از کم عمر 18 سال رکھی گئی ہے۔

اس حوالے سے میڈیا سے گفتگو کرتے ہوئے سکھ رہنماؤں نے افسوس کا اظہار کرتے ہوئے کہا کہ بھارت نے ہمیں شناخت نہیں دی بلکہ پاکستان نے تسلیم کرلیا۔

جنرل سیکریٹری گردوارہ پربندھک کمیٹی گوپال سنگھ کا کہنا ہے کہ یہ سب سکھ پنجابی بھائی چارے کا نتیجہ ہے، اس موقع پر پیپلز پارٹی اورتحریک انصاف نے سینیٹ انتخابات میں جیت پر مٹھائی تقسیم کی۔

 اس کےعلاوہ پنجاب اسمبلی میں بہاول پور ڈویلپمنٹ اتھارٹی،نارووال، سیالکوٹ، تیان جن، چولستان یونیورسٹیوں سمیت سات بل منظور کرلئے گئے۔مختلف رپورٹس بھی ایوان میں پیش کی گئیں۔ بعد ازاں اسمبلی کااجلاس جمعرات کی صبح دس بجے تک ملتوی کردیا گیا۔

Comments

comments

یہ بھی پڑھیں