The news is by your side.

Advertisement

روزانہ کی میک اپ روٹین کیا ہونی چاہیئے؟

ملک کی مایہ ناز بیوٹی ایکسپرٹس نے روازنہ کی میک اپ روٹین کے بارے میں بتایا جو نہ صرف اچھا تاثر دے بلکہ خوبصورت لک بھی دے۔

اے آر وائی ڈیجیٹل کے مارننگ شو گڈ مارننگ پاکستان میں میک اپ آرٹسٹس نادیہ حسین، امبر خان اور بینش پرویز نے روزانہ کی میک اپ روٹین کے بارے میں رہنمائی کی۔

بیوٹی ایکسپرٹس کا کہنا تھا کہ سن بلاک کو اپنی روزانہ کی روٹین کا لازمی حصہ بنائیں، اگر بیس یا کسی اور میک اپ پروڈکٹ میں ایس پی ایف شامل ہے تو صرف اسی پر اکتفا نہ کریں بلکہ الگ سے سن بلاک بھی لگائیں۔

نادیہ حسین نے ٹنٹ لگانے کا طریقہ بھی بتایا۔ انہوں نے کہا کہ ٹنٹ فوری طور پر جلد میں جذب ہوجاتا ہے لہٰذا اسے لگا کر فوری طور پر بلینڈ کریں ورنہ وہ داغ چھوڑ دیتا ہے۔

علاوہ ازیں کریمی بلش آن بھی استعمال کیا جاسکتا ہے جو چہرے کو فریش لک دے گا۔

بینش پرویز نے بتایا کہ دن کے اوقات میں سیاہ آئی لائنر کی جگہ ڈارک براؤن بھی استعمال کیا جاسکتا ہے۔

ایکسپرٹس کے مطابق دن کے اوقات میں میک اپ کو ہلکا رکھا جائے جو سافٹ لک دے۔

Comments

یہ بھی پڑھیں