site
stats
پاکستان

اپیکس کیمٹی اجلاس، ہائی پروفائل کیسز پر آئی جی سندھ کی بریفنگ

کراچی : سندھ ایپکس کمیٹی کے اجلاس میں آئی جی سندھ شرکا کو کراچی کے ہائی پروفائل کیسز پر بریفنگ دی، آئی جی سندھ نے شرکاء کو امجد صابری قتل کیس اور جسٹس کے صاحبزادے بیرسٹر اویس شاہ کے اغوا کے سلسلے میں ہو نے والی پیشرفت سے اگاہ کیا گیا۔

تفصیلات کے مطابق وزیرِ اعلیٰ ہاؤس میں سندھ ایپکس کمیٹی کا اجلاس ہوا، اجلاس میں امجد صابری قتل کیس اوراویس شاہ اغوا کا معاملہ زیربحث آیا، کمیٹی کو بتایا گیا کہ امجد صابری کے قتل میں تیس بور پستول کے استعمال نے تفتیش کاروں کو چکرا کر رکھ دیا۔

آئی جی سندھ کا کہنا تھا کہ امجد صابری کے قتل کی تفتیش ہر زاویے سے کی جارہی ہے، پولیس سربراہ نے بتایا کہ اویس شاہ کے اغواء پر دن رات کام کر رہے ہیں، مغوی کا فون ٹریس کیا گیا۔

اے ڈی خواجہ نے بتایا کہ جس طرح کی گاڑی میں اغواء کیا گیا اس ماڈل کی سات سو گاڑیاں شہر میں موجود ہیں، ہر گاڑی کے ڈیٹا کی جانچ پڑتال کی جارہی ہے۔

آئی جی سندھ نے شہر میں لگے سیکیورٹی کیمروں کو ناقص قرار دیدیا ہے، بارہ میگا پکسل کے ساٹھ ہزارکیمرے لگانے کامطالبہ کیا،جسے منظور کرتے ہوئے کمیٹی قائم کردی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top