سندھ اسمبلی میں کھڑی سرکاری گاڑیوں کی نمبر پلیٹس غائب -
The news is by your side.

Advertisement

سندھ اسمبلی میں کھڑی سرکاری گاڑیوں کی نمبر پلیٹس غائب

کراچی : سندھ اسمبلی کے احاطےمیں کھڑی پرانی سرکاری گاڑیوں کی نمبر پلیٹس غائب ہوگئیں۔وزیر اعلی سندھ کےاحکامات کے باوجود گاڑیوں کی نمبر پلیٹس ایکسائز میں جمع نہیں ہوئیں۔

تفصیلات کے مطابق سندھ اسمبلی میں موجود پرانی سرکاری گاڑیوں کی نمبر پلیٹس غائب ہیں اور خدشہ ظاہر کیاجارہاہےکہ سرکاری گاڑیوں کی غائب نمبرپلیٹس تخریب کاری کی کارروائیوں میں استعمال ہوسکتی ہیں۔

مزید پڑھیں:امن و امان خراب کر نے والوں کےلیے زیرو ٹالرنس، وزیر اعلیٰ سندھ

یاد رہے کہ گزشتہ ہفتے وزیراعلیٰ سندھ مراد علی شاہ کی زیرصدارت سندھ کابنیہ کا اجلاس ہوا تھا جس میں انہوں نے کراچی میں امن وامان کی صورتحال پر عدم اعتمادکا اظہار کرتے ہوئے کہا تھا کہ شہر میں امن وامان خراب کرنےوالوں کے لیے زیرو ٹالرنس ہے۔

اس موقع پروزیراعلیٰ سندھ نے سندھ کابینہ کے وزرا کو بھی ہدایت کی تھی کہ وہ بغیر نمبر پلیٹ والی گاڑیاں نہ چلائیں ورنہ ان کے خلاف بھی کارروائی کی جائے گی۔انہوں نے اس کے علاوہ179 پرانی گاڑیوں کی نیلامی کرنے کی بھی ہدایت کی تھی۔

مزید پڑھیں:سندھ حکومت کے 300 بنگلوں،فلیٹس پر سابق افسران کا قبضہ

واضح رہے کہ 8نومبر کو سندھ کابینہ نے وزیراعلٰی سندھ کوسندھ حکومت کے 300 بنگلوں،فلیٹس اور کوارٹرز پر سابق افسران اور سیاسی شخصیات کے قبضے سے آگاہ کیاتھا جس پر انہوں نے چیف سیکریٹری کو ہدایت کی تھی کہ وہ ان بنگلوں کوخالی کروانے کے اقدامات کریں۔

Comments

comments

یہ بھی پڑھیں