کراچی: سندھ اسمبلی کے اجلاس کے دوران اپوزیشن میں دراڑیں نمایاں ہوگئیں، اپوزیشن ارکان آپس میں الجھ پڑے، بات ہاتھا پائی تک پہنچ گئی.
تفصیلات کے مطابق آج سندھ اسمبلی میں اپوزیشن نے شدید احتجاج کیا، ارکان اسپیکر کے ڈائس کے سامنے آگئے.
اجلاس میں پی ٹی آئی سے تعلق رکھنے والے اپوزیشن لیڈرفردوس شمیم نقوی کےخلاف تحریک استحقاق پیش کی گئی.
تحریک استحقاق ایم ایم اے کے عبدالرشید نے پیش کی، تحریک استحقاق پیش کرنے کے دوران حکومتی ارکان کھڑے ہوگئے.
پی ٹی آئی کے ارکان نے عبدالرشید کے خلاف شدید نعرہ بازی کی، حکومتی ارکان نے ایم ایم اے رکن کے حفاظتی حصار میں لے لیا، احتجاج کے دوران بات ہاتھا پائی تک پہنچ گئی.
ایم ایم اے رکن کا موقف
بعد ازاں ایم ایم اے رکن عبدالرشید نے کہا کہ اپوزیشن لیڈرکا رویہ بدترین اور افسوس ناک ہے.
رکن صوبائی اسمبلی نے کہا کہ جن لوگوں نےحملہ کیا ان کے خلاف ایف آئی آر درج کراؤں گا.
اے آر وائی نیوز کی ڈیجیٹل ڈیسک کی جانب سے شائع کی گئی خبریں