The news is by your side.

Advertisement

سندھ اسمبلی کا اجلاس طلب، اسکولوں کی چھٹیاں ایجنڈے میں شامل

کراچی: سندھ اسمبلی کا اجلاس کل صبح 10بجے طلب کرلیا گیا ہے، اجلاس میں اسکول کے بچوں کی سردیوں کی چھٹیوں اور رینجرز کے اختیارات کے معاملات کو ایجنڈے میں شامل کیا گیا ہے، اس کے علاوہ متنازعہ اقلیتی بل کی شقوں پر بھی بحث کی جائے گی۔

تفصیلات کے مطابق قائم مقام گورنر سندھ آغا سراج درانی کی ہدایت پر ڈپٹی اسپیکر شہلا رضا نے سندھ اسمبلی کا اجلاس کل صبح دس بجے طلب کرلیا ہے۔

سندھ اسمبلی اجلاس کےایجنڈے کی کاپی اے آر وائی نیوزنےحاصل کرلی، اجلاس میں 4 پینل آف چیئرمینز کا اعلان کیا جائے گا، محکمہ اینٹی کرپشن سےمتعلق سوالات کےجوابات بھی دیئےجائیں گے۔

اس کے علاوہ نصرت سحرعباسی کی تحریک التواء اجلاس کے ایجنڈے میں شامل ہے، اجلاس میں سندھ زکٰوۃ اورعشر ترمیمی بل بھی شامل کیا گیا ہے۔

اجلاس میں نقطہ اعتراض پر رینجرز اختیارات کا معاملہ بھی اٹھایا جائے گا، تعلیمی اداروں میں بچوں کی سردیوں کی چھٹیوں کا معاملہ بھی ایجنڈے میں شامل ہے۔

علاوہ ازیں اجلاس میں متنازعہ اقلیتی بل کی شقوں میں بحث کے بعد ترامیم کا بھی امکان ہے۔

Print Friendly, PDF & Email

Comments

comments

یہ بھی پڑھیں