The news is by your side.

Advertisement

سندھ اسمبلی کے مسمار کوارٹرز کے مکین اذیت میں مبتلا

کراچی : سندھ اسمبلی کے مسمار کیے جانے والے کوارٹرز کے مکینوں نے ایک رات شدید اذیت میں کاٹ لی تو دوسری رات سر پر آپہنچی۔ متاثرین نے بے سروسامانی کی حالت میں بھوک ہڑتال کی دھمکی دے دی۔

ارکان سندھ اسمبلی کےپارکنگ پلازہ کے لئےبیس سال سے رہائش پذیرافراد کے آشیانوں پر بلڈوزر چلا دیا گیا۔ وعدہ کرکے بھولنے والوں نے یہ تک نہ سوچاکہ جیتے جاگتے یہ انسان شدید سردی میں رات کیسے گزاریں گے۔

مسمار کوارٹرز کے مکینوں نے متبادل رہائش فراہم نہ کئے جانے پر بھوک ہڑتال کی دھمکی دے دی ہے، بے گھر مکین دوسرے روز بھی صوبائی حکومت کے نمائندوں کا انتظار کرتے رہے مگر کوئی نہ آیا۔۔

بعد ازاں تحریک انصاف کے رہنما خرم شیر زمان متاثرین کی مدد کیلئے ضروریات زندگی سے آراستہ بس لیکر پہنچ گئے ۔

لاچار افراد معصوم بچوں کے ساتھ دوسرے روز بھی کھلے آسمان تلے بیٹھے ہیں۔ ایک رات کا عذاب کاٹنے والوں پر دوسری رات بھی آن پہنچی۔

Comments

comments

یہ بھی پڑھیں