The news is by your side.

Advertisement

امریکی شہری سنتھیارچی کے پیپلزپارٹی کی قیادت پر الزامات نے تہلکہ مچادیا

کراچی : ارکان سندھ اسمبلی نے امریکی شہری سنتھیارچی کے پیپلزپارٹی کی قیادت پرالزامات کی اعلٰی سطح پر تحقیقات کا مطالبہ کردیا۔

تفصیلات کے مطابق امریکی شہری سنتھیارچی کے پیپلزپارٹی کی قیادت پرالزامات نے تہلکہ مچادیا، ارکان سندھ اسمبلی نے معاملے کے حقائق سامنے لانے کا مطالبہ کردیا۔

فنکشنل لیگ کی رہنما نصرت سحر عباسی نے کہا ہے کہ بلاول بھٹو نے نوٹس نہ لیاتو انتہائی تشویشناک بات ہوگی جبکہ پی ٹی آئی کے ارکان سندھ اسمبلی نے بھی معاملہ کو سنگین قراردیا ہے۔

ایم کیوایم پاکستان کے رکن سندھ اسمبلی راشد خلجی کا کہنا ہے کہ اس بات کی بھی انکوائری کرائی جائےکہ اتنا طویل عرصہ خاموشی کیوں رہی؟

مزید پڑھیں : امریکی خاتون کے رحمان ملک سمیت پیپلزپارٹی کی اعلیٰ قیادت پر سنگین الزامات

گذشتہ روز پاکستان میں مقیم امریکی شہری سنتھیا رچی نے سابق وفاقی وزیر داخلہ رحمان ملک، سابق وزیراعظم یوسف رضا گیلانی اور پی پی رہنما مخدوم شہاب الدین پر سنگین الزامات عائد کرتے ہوئے کہا تھا کہ رحمان نے 2011 میں اس وقت زیادتی کی جب وہ وزیر داخلہ تھے۔

سنتھیا رچی نے الزام عائد کیا تھا کہ سابق وزیراعظم یوسف رضا گیلانی نے ایوان صدر میں دست درازی کی جبکہ سابق وزیر صحت مخدوم شہباب الدین پر بھی بدسلوکی کا الزام عائد کیا۔

بعد ازاں امریکی خاتون شہری کے الزامات پر یوسف رضا گیلانی نے ردعمل دیتے ہوئے کہا تھا کہ سنتھیا رچی نے عالمی رہنما بینظیر بھٹو پر بھی الزامات لگائے تھے جس پر پیپلزپارٹی کی جانب سے سخت ردعمل دیا گیا تھا۔

Comments

یہ بھی پڑھیں